Jabardasth : వాడి నాశనం చూశాకే చచ్చిపోతా.. నా పొట్ట కొట్టారు.. జబర్దస్త్ చంటి..
తెలుగు చిత్ర పరిశ్రమలో ఎదురైన చేదు అనుభవాలను, అవకాశాల కోసం కళాకారులు పడే ఇబ్బందులను చలాకీ చంటి ఓ ఇంటర్వ్యూలో పంచుకున్నారు. అహం (ఈగో), భజన సంస్కృతి, తోటి వారి వెన్నుపోట్లతో తన కెరీర్ ఎలా దెబ్బతిందో వివరించారు. జబర్దస్త్ ఆదాయం, ఆర్థిక కష్టాలు, తిరిగి వెళ్లేందుకు నిరాకరణ వంటి విషయాలపై భావోద్వేగంగా మాట్లాడారు.
Updated on: Jul 25, 2026 | 11:32 AM
తెలుగు చిత్ర పరిశ్రమలో హాస్యనటుడిగా, నటుడిగా తనదైన ముద్ర వేసుకున్న చలాకీ చంటి, ఓ ఇంటర్వ్యూలో తన కెరీర్ వెనుక ఉన్న ఎన్నో చేదు నిజాలను, భావోద్వేగ క్షణాలను పంచుకున్నారు. పరిశ్రమలో కళాకారులు ఎదుర్కొనే సమస్యలు, భజన సంస్కృతి, ఈగో వంటి అంశాలపై ఆసక్తికర వ్యాఖ్యలు చేశారు. కొందరు తనను “చంటన్న” అని పిలవడం ప్రేమతో కూడుకున్నదని, కానీ మరికొందరు దానిని ఈగోగా భావించి అవకాశాలు దూరం చేశారని చంటి ఆవేదన వ్యక్తం చేశారు. ఒక సందర్భంలో, ఒక డైరెక్టర్ తనను పేరుతో పిలవమని కోరితే, అలాగే పిలిచానని, అయితే పక్కన ఉన్న టీమ్ సభ్యులు దానిని తప్పుగా అర్థం చేసుకొని, తన పాత్రను తొలగించేలా చేశారని వివరించారు. మరొక సంఘటనలో, ఒక పెద్ద సినిమాలో లీడింగ్ ఆర్టిస్ట్ పాత్రకు కమిట్ అయిన తర్వాత, డైరెక్టర్ తండ్రి పక్కన సిగరెట్ తాగుతూ సాధారణంగా మాట్లాడినందుకు తన పాత్రను తీసేశారని, అది తనకు తీవ్ర ఆవేదన కలిగించిందని పేర్కొన్నారు.
పరిశ్రమలో విజయానికి టాలెంట్ కన్నా భజన ముఖ్యమని చలాకీ చంటి చెప్పుకొచ్చారు. “భజన కొట్టినంత సేపు నువ్వు ఎన్ని లంగా లఫూట్ పనులు చేసినా యు ఆర్ గ్రేట్. భజన కొట్టకపోయి నువ్వు ఒక్క మంచి పని చేసినా అది వాడికి నచ్చలేదు అనుకోరా నీ అంత గలీజ్ గాడు ఇంకోడు లేడు” అని అన్నారు. కళాకారులు పూర్తిగా తమను తాము డైరెక్టర్లకు అంకితం చేసుకోవాలనే అంచనాలు కూడా ఉంటాయని, “మీరే దిక్కు అబ్బా. నా జీవితం మీ వల్లే నడుస్తుంది” అనే స్థాయిలో ప్రవర్తిస్తేనే అవకాశాలు వస్తాయని ఆయన సూచించారు.
ఈగో అనేది ప్రతి మనిషిలోనూ ఉంటుందని, తనపై “ఈగో” అనే ప్రచారం చేసి, తన కెరీర్ను దెబ్బతీసిన ప్రతి ఒక్కరూ నాశనం కావాలని, తాను బతికుండగానే అది చూడాలని దేవుడిని కోరుకుంటున్నట్లు ఆయన భావోద్వేగంగా అన్నారు. తన శత్రువులు ఎవరంటే, “పబ్లిసిటీ చేసినవాడే శత్రువు” అని చంటి స్పష్టం చేశారు. ఒక సెలబ్రిటీ ఇంటర్వ్యూ కోసం సిద్ధమైనప్పుడు, చివరి క్షణంలో ఆ సెలబ్రిటీ రాకపోతే, ఆ కోపం సెలబ్రిటీ మీద కాకుండా, ఆ ఇంటర్వ్యూ జరగకుండా అడ్డుకున్న వ్యక్తి మీద వస్తుందని వివరించారు.
ఎక్కువ మంది చదివినవి : Bigg Boss 10 Telugu : బిగ్ బాస్లో జబర్దస్త్ క్రేజీ బ్యూటీ.. ఆఫర్ రావడంపై స్పందించిన గ్లామరస్ క్వీన్.. ఏమన్నారంటే..
ఎక్కువ మంది చదివినవి : Aishwarya Rajesh: అతడంటే క్రష్ కాదు పిచ్చి ఇష్టం.. తన కోసం చాలా ట్రై చేశా.. కానీ అంతలోనే తిరిగిరాని లోకాలకు.. ఐశ్వర్య రాజేశ్..
