Bigg Boss 7 Telugu: అర్జున్ కాళ్లు పట్టుకోబోయిన యావర్.. సారి అన్న అంటూ ఎమోషనల్

బిగ్ బాస్ ఉల్టా పుల్టా సీజన్‌  చివరి దశకు వచ్చేసింది. చివరి వారం కావడంతో హౌస్ లో ఉన్న ఆరుగురిని సర్ ప్రైజ్ చేశాడు బిగ్ బాస్. శివాజీ, యావర్, అమర్ దీప్, అర్జున్ , ప్రశాంత్ , ప్రియాంకాల జర్నీని చూపించాడు. ఒకొక్కరిని హౌస్ లాన్ లోకి పిలిచి హౌస్ లో వారి హ్యాపీ మూమెంట్స్ ను ఫొటోస్ ద్వారా చూపించాడు. దాంతో హౌస్ మేట్స్ ఎమోషనల్ అయ్యారు. అలాగే వారిని పొగడ్తలతో ముంచెత్తారు. ముందుగా హౌస్ పెద్దరాయుడు శివాజీని పిలిచాడు బిగ్ బాస్. శివాజీకి సర్‌ప్రైజ్ ఇచ్చాడు బిగ్‌బాస్. హౌస్ లో తన జర్నీని చూసి ఎమోషనల్ అయ్యాడు శివాజీ. తన 25 ఏళ్ల సినీ కెరీర్ ఒకెత్తూ.. బిగ్ బాస్ హౌస్ ఎక్స్ పీరియన్స్ ఒకెత్తూ అని తెలిపాడు శివాజీ.

అలాగే లాన్ లో కాఫీ పొడి డబ్బా కూడా పెట్టిన బిగ్‌బాస్.. కాఫీని ఎంజాయ్ చేయండి.. అంటూ నవ్వులు పూయించాడు. శివాజీ మాట్లాడుతూ.. మనల్ని మనం తెలుసుకోవాలి.. కష్టమైన పరిస్థితులు వచ్చినప్పుడు ఎలా హ్యాండిల్ చేయాలనేది ఈ వచ్చాకే తెలిసింది అని అన్నాడు బిగ్ బాస్. చాలా నేర్చుకున్నాను.. చాలు కప్పు గెలస్తామా లేదా అనేది అనవసరం.. కానీ ప్రజల హృదయాలు మాత్రం ఈ ఆరుగురు గెలిచారనేది నేను బలంగా నమ్ముతాను అని అన్నాడు.

మీ గాయం మిమ్మల్ని ఎంత బాధించినా ఓటమి వైపు చూడలేదు.. మీ అబ్బాయే మీ డాక్టర్‌గా వచ్చినప్పుడు మీ బాధని అంతా మర్చిపోయారు.. అప్పటి నుంచి పూర్తి శ్రద్ధ లక్ష్యంపై పెట్టారు.. అంటూ శివాజీని ‘పొగడ్తలతో ముంచెత్తాడు బిగ్ బాస్. ఆతర్వాత కిచన్ లో యావర్, శివాజీ ఉండగా అర్జున్ వచ్చి వెనకనుంచి యావర్ ను హగ్ చేసుకున్నాడు. నేను అస్సలు అనుకోలేదు వీడిది నా వీడియోలో అంతబాగా చూపిస్తారని అని అన్నాడు అర్జున్. దానికి యావర్ ఓ నవ్వు నవ్వు తిరిగి అర్జున్ ను హగ్ చేసుకున్నాడు. సారి అన్న అంటూ అర్జున్ కాళ్లు పట్టుకొబోయాడు యావర్. ఇంతలో వద్దురా అంటూ యావర్ ను హగ్ చేసుకున్నాడు అర్జున్. అక్కడే ఉన్న శివాజీ కూడా ఇది చూసి ఎమోషనల్ అయ్యాడు.  ఎందుకు కలుస్తామో తెలీదు.. ఎందుకు కొట్టుకుంటామో తెలీదు.. అన్నాడు శివాజీ. యావర్, అర్జున్ సరిగ్గా మాట్లాడుకోవడంలేదన్న విషయం తెలిసిందే.

View this post on Instagram

A post shared by BIGG BOSS 7 TELUGU (@officialbigboss7telugu)

మరిన్ని సినిమా వార్తల కోసం ఇక్కడ క్లిక్ చేయండి..