రీ రిలీజ్కు రెడీ అయిన ఆరుగురు ప్రతివ్రతలు.. ఆ హీరోయిన్ ఇప్పుడు ఎలా ఉందో తెలుసా.?
ఈ మధ్యకాలంలో చాలా సినిమాలు రీ రిలీజ్ అయ్యి ప్రేక్షకులను అలరించాయి. రికార్డ్ స్థాయిలో కలెక్షన్స్ కూడా రాబట్టాయి. మహేష్ బాబు నటించిన పోకిరి సినిమా నుంచి మొదలైన ఈ సినిమా రీరిలీజ్ ట్రెండ్ ఇప్పటికీ కంటిన్యూ అవుతుంది. అప్పుడు ఫ్లాప్ అయిన సినిమాలు కూడా ఇప్పుడు రీ రిలీజ్ అయ్యి మంచి కలెక్షన్స్ ను సొంతం చేసుకున్నాయి.
సినిమా ఇండస్ట్రీలో బోల్డ్ కంటెంట్ తో తెరకెక్కి ప్రేక్షకులను ఆకట్టుకున్న సినిమాలు చాలానే ఉన్నాయి. వాటిలో ఒకటి ఆరుగురు పతివ్రతలు. అప్పటిలో ఈ సినిమా ఓ సెన్సేషన్ క్రియేట్ చేసింది. పలు వివాదల్లోనూ ఈ సినిమా చిక్కుకుంది. ఈ సినిమా వచ్చి చాలా కాలం అయినప్పటికీ జనాలు ఈ సినిమా గుర్తించే మాట్లాడుకుంటున్నారు. దివంగత దర్శకుడు ఈవీవీ సత్యనారాయణ ఈ సినిమాకు దర్శకత్వం వహించారు. కామెడీ సినిమాలతో , ఫ్యామిలీ సినిమాలతో ప్రేక్షకులను ఆకట్టుకున్న ఈవీవీ తన రూట్ మార్చి ఇలా రోమాంటిక్ సినిమాతో అందరికి షాక్ ఇచ్చారు. 2004లో తెరకెక్కిన ఈ సినిమా రొమాంటిక్ డ్రామాగా తెరకెక్కింది. ఈ సినిమాలో చాలా మంది కొత్త ఆర్టిస్ట్ లు నటించారు. ఈ సినిమాలో మొత్తంగా నలభై రెండు మంది కొత్తవారు నటించారు. చలపతిరావు, ఎల్.బి.శ్రీరామ్, శ్రీకృష్ణ కౌశిక్ లు ప్రధాన తారాగణంగా నటించిన ఈ సినిమాకు కమలాకర్ సంగీతాన్ని అందించారు.
ఇక ఇప్పుడు ఈ సినిమా మరోసారి ప్రేక్షకుల ముందుకు రానుందని తెలుస్తోంది. ఆరుగురు పతివ్రతలు సినిమా కూడా రీ రిలీజ్ చేయాలని చాలా మంది సోషల్ మీడియాలో కామెంట్స్ చేస్తున్నారు. ఈ సినిమాకు సంబంధించిన సీన్లను మీమర్స్ తెగ వాడుతుంటారు. ఆరుగురు పతివ్రతలు రీ రిలీజ్ చేయాలని ఇప్పటికే చాలా మంది పెద్ద ఎత్తు నెట్టింట కామెంట్స్ చేస్తున్నారు. అయితే ఆరుగురు పతివ్రతలు సినిమాలు రిలీజ్ అయ్యి 22 సంవత్సరాలు అవుతుంది. దాంతో ఈ సినిమాను రీ రిలీజ్ చేయాలని ప్లాన్ చేస్తున్నారు.
ఆరుగురు పతివ్రతలు సినిమాను 4K వెర్షన్ రీ రిలీజ్ అవుతుందని సోషల్ మీడియాలో టాక్ వినిపిస్తుంది. ఇప్పటికే ఈ సినిమాకు మెరుగైన ఆడియో క్వాలిటీ, 4కే వర్షన్ లాంటి మెరుగులు దిద్దుతున్నారని తెలుస్తుంది. త్వరలోనే ఈ సినిమాను మరోసారి ప్రేక్షకుల ముందుకు తీసుకురానున్నారు. ఇదిలా ఉంటే ఈ క్రమంలోనే ఆరుగురు పతివ్రతలు సినిమాలో నటించిన నటి గురించి ఇప్పుడు సోషల్ మీడియాలో తెగ గాలిస్తున్నారు నెటిజన్స్. ఆరుగురు పతివ్రతలుతో ఇండస్ట్రీలో చాలా ఫేమస్ అయ్యింది హీరోయిన్ అమృత. కన్నడ సినీ పరిశ్రమకు చెందిన ఈ బ్యూటీని తెలుగు తెరకు పరిచయం చేశారు ఈవీవీ. ఈ సినిమా తర్వాత తెలుగులో కేవలం ఎనిమిది చిత్రాల్లోనే నటించింది. 2009లో ‘జోడి నెంబర్ 1’ సినిమాలో నటించింది ఆతర్వాత సినిమాలకు దూరం అయ్యింది. సోషల్ మీడియాలోనూ పెద్దగా యాక్టివ్ గా ఉండదు ఈ హీరోయిన్.
మరిన్ని సినిమా వార్తల కోసం ఇక్కడ క్లిక్ చేయండి