Tollywood: కురుల వెనుక దాగున్న ఈ అందమైన మోము ఎవరిదో గుర్తుపట్టారా? చూస్తే ఇట్టే లవ్‌లో పడిపోతారంతే!
ఈ అమ్మడు తన సినీ కెరీర్‌లో చేసింది తక్కువ సినిమాలే.. అయితేనేం కుర్రకారు పిచ్చ ఫాలోయింగ్ సంపాదించింది..
Updated on: Feb 06, 2023 | 7:47 AM
ఈ అమ్మడు తన సినీ కెరీర్‌లో చేసింది తక్కువ సినిమాలే.. అయితేనేం కుర్రకారు పిచ్చ ఫాలోయింగ్ సంపాదించింది. తెలుగులో ఓ కల్ట్ క్లాసిక్ సినిమాతో అరంగేట్రం చేసింది. ఆ తర్వాత తన నటనతో పలు చిత్రాల్లో మెప్పించింది. తెలుగుతో పాటు హిందీ, తమిళ భాషల్లోనూ నటించిన ఈ అందాల భామకు.. మొదటి సినిమా తర్వాత ఇప్పటివరకు సరైన బ్రేక్ రాలేదు. ఆమెవరో ఇప్పటికైనా గుర్తుపట్టారా.? ఇంకా కనిపెట్టలేకపోతే.. మీకో క్లూ.. ఆమె నటించిన మొదటి చిత్రం హీరో విజయ్ దేవరకొండ. హా.. ఎస్ మీరనుకున్నది కరెక్టే.. మరెవరో కాదు.. షాలిని పాండే.
2017లో ‘అర్జున్ రెడ్డి’ సినిమాతో తెలుగు తెరకు పరిచయమైంది హీరోయిన్ షాలిని పాండే. మొదటి సినిమాతోనే సూపర్ హిట్ దక్కించుకోవడమే కాకుండా.. ఓవర్ నైట్‌లోనే స్టార్ అయిపోయింది. తన నటనకు గానూ మంచి మార్కులు సంపాదించింది. ఇక ఆ తర్వాత ‘మహానటి’, ‘ఎన్టీఆర్ – కథానాయకుడు’, ‘118’, ‘ఇద్దరి లోకం ఒకటి’, ‘నిశబ్దం’ లాంటి చిత్రాల్లో నటించిన ఈ భామ.. ‘100% కాదల్’తో తమిళంలోకి ఎంట్రీ ఇచ్చింది. గతేడాది హిందీలో ఆమె నటించిన ‘జయేష్‌భాయ్ జోర్దార్’ బాక్సాఫీస్ దగ్గర బోల్తా కొట్టగా.. ఇప్పుడు మరోసారి తన అదృష్టాన్ని పరీక్షించుకునేందుకు ‘మహారాజా’ అనే చిత్రంలో నటిస్తోంది.
View this post on Instagram
