Sara Arjun: ఆమె వల్లే ఇప్పుడు ఈ స్థాయిలో ఉన్నా.. ఎమోష్నలైన సారా అర్జున్

బాలనటిగా సినీ ప్రపంచంలోకి అడుగుపెట్టి ఎన్నో సూపర్ హిట్ సినిమాల్లో నటించి మెప్పించింది సారా అర్జున్, నాన్న పొన్నియిన్ సెల్వన్ వంటి భారీ చిత్రాలతో మంచి గుర్తింపు తెచ్చుకుంది సారా అర్జున్. ఇటీవలే ధురంధర్ సినిమాలోనూ నటించి మెప్పించింది. ఇక ఇప్పుడు తెలుగులో యుఫోరియా అనే సినిమా చేస్తుంది. ఈ సినిమాకు గుణశేఖర్ దర్శకత్వం వహిస్తున్నారు. త్వరలోనే ఈ సినిమా ప్రేక్షకుల ముందుకు రానింది. ఈ సినిమాలో భూమిక కీలక పాత్రలో నటిస్తున్నారు. ఈ సినిమా ప్రమోషన్స్ జెట్ స్పీడ్ లో జరుగుతున్నాయి. తాజాగా ఈ సినిమా ప్రమోషన్స్ లో సారా అర్జున్ మాట్లాడుతూ.. ఆసక్తికర విషయాలను పంచుకుంది. యుఫోరియా వంటి కథను ఒక నటిగా, ముఖ్యంగా యువతలో ఒకరిగా, ప్రేక్షకులకు అందించాలనే బలమైన కోరిక కలిగిందని సారా తెలిపింది. అయితే యుఫోరియా చిత్రీకరణ సమయంలోనే ఆమె ధురంధర్ కు సంతకం చేయడం విశేషం.

యుఫోరియాలో చైత్రా అనే కీలక పాత్రను పోషించిన సారా, ఈ పాత్ర గురించి తెలిపింది. ఈ పాత్రను ఎంపిక చేయడానికి నీలిమ, రాగిణి ఎంతగానో కృషి చేశారట. పొన్నియిన్ సెల్వన్ లో సారా నటనను చూసి, ఈ వయసు, పాత్రకు సరిపోయే నటి సారా అర్జునే అని ఫిక్స్ అయ్యారట. ఈ పాత్రలో సారా అద్భుతంగా నటించారని చిత్ర బృందం ప్రశంసించింది. సినీ పరిశ్రమ వాతావరణంలో పెరగడం, కుటుంబ సభ్యులు కూడా ఇదే వృత్తిలో ఉండటం ఆమెకు కలిసి వచ్చింది.

ఆమె తండ్రి రాజ్‌ అర్జున్ కథల ఎంపికలో కీలక పాత్ర పోషిస్తారని, సరైన కథలను ఎంచుకోవడంలో ఆయన చాలా కఠినంగా ఉంటారని సారా తెలిపింది. ఆయనను ఒప్పించడం అంత సులభం కాదని, కానీ యుఫోరియా కథ సారా, రాజ్‌ అర్జున్ ఇద్దరికీ బాగా నచ్చిందని మూవీ టీమ్ తెలిపింది. అలాగే, తన తల్లి నిరంతరం తన వెంట ఉండి, ప్రతి క్షణం మద్దతుగా నిలిచిందని, మానసిక స్థైర్యాన్ని ఇచ్చే స్తంభంలా ఉన్నారని సారా తెలిపింది. ఆమె వల్లే ఇప్పుడు ఈ స్థాయిలో ఉన్నా అని  ఎమోషనల్ గా తెలిపింది సారా. అలాగే తల్లిదండ్రుల అండదండలు, వారి పేరెంటింగ్ ఈ కథకు, అందులోని యువత పాత్రలకు, సినిమాలోని కొన్ని అంశాలకు చాలా ఉపయోగపడ్డాయని చిత్ర బృందం చెప్పుకొచ్చింది.

View this post on Instagram

A post shared by Sasha Jairam (@sashajairam)

మరిన్ని ఎంటర్టైన్మెంట్ వార్తల కోసం ఇక్కడ చూడండి..