Samantha: యశోద సినిమాకు సమంత ఎంత రెమ్యునరేషన్ తీసుకుంటుందో తెలుసా ?..
ఇందులో లేడీ ఓరియెంటెడ్ నేపథ్యంలో వస్తోన్న మూవీ యశోద. ఇటీవల విడుదలైన ఈ మూవీ టీజర్ ఆద్యంతం ఆసక్తిగా సాగింది. దీంతో సినిమాపై మరిన్ని అంచనాలు పెరిగాయి.
ది ఫ్యామిలీ మ్యాన్ 2 వెబ్ సిరీస్తో పాన్ ఇండియా లెవల్లో క్రేజ్ సంపాదించుకుంది సమంత (Samantha). ఇక అదే సమయంలో అక్కినేని నాగచైతన్యతో విడాకులు తీసుకున్నట్లు ప్రకటించడంతో ఒక్కసారిగా సామ్ పేరు నెట్టింట ట్రెండ్ అయ్యింది. అప్పటి నుంచి ఆమె షేర్ చేసే ప్రతి పోస్ట్ పట్ల నెటిజన్స్ ఆసక్తి చూపిస్తున్నారు. ఇక విడాకుల అనంతరం సామ్ సైతం వరుస ప్రాజెక్టులతో ఫుల్ బిజీ అయ్యింది. ఇటీవలే పుష్ప చిత్రంలోని ఊ అంటావా మావా పాటతో రచ్చ చేసింది. ఈ సాంగ్ సోషల్ మీడియాను షేక్ చేసింది. ఇక ప్రస్తుతం ఆమె చేతి నిండా సినిమాలతో క్షణం తీరిక లేకుండా గడిపేస్తుంది. శాకుంతలం సినిమా అన్ని కార్యక్రమాలు పూర్తిచేసుకుని విడుదలకు సిద్ధమవుతండగా.. ఖుషి, యశోద చిత్రాలు శరవేగంగా షూటింగ్ జరుపుకుంటున్నాయి. ఇందులో లేడీ ఓరియెంటెడ్ నేపథ్యంలో వస్తోన్న మూవీ యశోద. ఇటీవల విడుదలైన ఈ మూవీ టీజర్ ఆద్యంతం ఆసక్తిగా సాగింది. దీంతో సినిమాపై మరిన్ని అంచనాలు పెరిగాయి.
ఇదిలా ఉంటే.. ఇప్పుడు ఇండస్ట్రీలో సమంత రెమ్యునరేషన్ హాట్ టాపిక్గా మారింది. ప్రస్తుతం తెలుగు చిత్రపరిశ్రమలో అత్యంత ఎక్కువ రెమ్యునరేషన్ తీసుకుంటున్న హీరోయిన్లలో సామ్ ఒకరు. గతంలో ఊ అంటావా మావ పాట కోసం ఏకంగా కోటిన్నర రెమ్యునరేషన్ తీసుకుందట సామ్. ఇక ఇప్పుడు లేడీ ఓరియెంటెడ్ గా వస్తోన్న యశోద కోసం ఏకంగా రూ. 3 కోట్లు పారితోషికం తీసుకుంటుందని ఫిల్మ్ వర్గాల్లో టాక్ వినిపిస్తోంది. అయితే దీనిపై ఎలాంటి అధికారిక దృవీకరణ లేదు. మరోవైపు డైరెక్టర్ శివ నిర్వాణ దర్శకత్వంలో సామ్ ఖుషి సినిమాలో నటిస్తోంది. ఇందులో విజయ్ దేవరకొండ ప్రధాన పాత్రలో నటిస్తున్నారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.