Ponnambalam : ఒకప్పుడు విలన్ గా భయపెట్టి ఇప్పుడు ఆర్థికసాయం కోసం ఎదురుచూస్తున్న ప్రముఖ నటుడు..
ఒకప్పుడు విలనిజంతో ప్రేక్షకులను భయపెట్టిన నటుడు ఇప్పుడు ఆర్ధిక సాయం కోసం ఎదురుచూస్తున్నాడు. ఎన్నో సినిమాల్లో విలన్ పాత్రల్లో నటించి ఆకట్టుకున్నాడు పొన్నాంబళం
Ponnambalam : ఒకప్పుడు విలనిజంతో ప్రేక్షకులను భయపెట్టిన నటుడు ఇప్పుడు ఆర్ధిక సాయం కోసం ఎదురుచూస్తున్నాడు. ఎన్నో సినిమాల్లో విలన్ పాత్రల్లో నటించి ఆకట్టుకున్నాడు పొన్నాంబళం. చాలా తెలుగు తమిళ్ సినిమాల్లో విలన్ గా నటించి ఆకట్టుకున్నారు పొన్నాంబళం. ప్రస్తుతం ఆయన ఆరోగ్యం క్షిణించింది. చావు బ్రతుకుల మధ్య పోరాడుతున్నారు ఆర్ధిక సాయం చేసే వారికోసం ఎదురుచూస్తున్నారు. గత కొద్దిసంవత్సరాలుగా పొన్నాంబళం అనారోగ్యంతో బాధపడుతున్నారు.
గత ఐదేళ్లుగా తన అనారోగ్యానికి ఎంతో ఖర్చయ్యిందని తాను సినిమాలకు దూరమవడంతో ఆదాయం కూడా లేదని ఆవేదన వ్యక్తంచేశారు పొన్నాంబళం. ఇక ఇప్పటికే సూపర్ స్టార్ రజినీకాంత్ , కమల్ హాసన్, ధనుష్, లారెన్స్, రాధికా శరత్ కుమార్ తోపాటు దర్శకుడు కేఎస్ రవికుమార్ కూడా సాయం చేసారని తెలిపారు. ఇక ఇప్పుడు ఆపరేషన్ కు చాలా ఖర్చు అవుతుందని సౌత్ యాక్టర్స్ అసోసియేషన్ తోపాటు తెలుగు చిత్ర పరిశ్రమ నుంచి సాయం చేయాలని వేడుకున్నారు. ఈ మేరకు ఆయన ఒక వీడియోను విడుదల చేశారు. ఇప్పుడు కిడ్నీ మార్పిడి చికిత్స చేయాల్సి వచ్చిందని వెల్లడించారు. తన సోదరి కుమారుడు కిడ్నీ దానం చేయడానికి సిద్ధంగా ఉన్నాడని అయితే.. ఆపరేషన్ కు అవసరమైన డబ్బు మాత్రం తన వద్ద లేదని ఆవేదన వ్యక్తం చేశారు.
మరిన్ని ఇక్కడ చదవండి :
Nara Rohit : తెలుగు ప్రజల ఆత్మగౌరవంపై దాడి జరుగుతోంది. యువత .. మేలుకోండి : నారా రోహిత్