Gopichand: ‘కథ.. పాత్ర నచ్చితే మళ్లీ విలన్‍గా నటించేందుకు సిద్ధం’.. హీరో గోపిచంద్ ఆసక్తికర వ్యాఖ్యలు..
ప్రస్తుతం తాను హీరోగా మంచి స్థాయిలో ఉన్నప్పటికీ.. కథ , రోల్ నచ్చితే మరోసారి విలన్ పాత్రలో నటించేందుకు సిద్ధంగా ఉన్నాను..
తొలివలపు సినిమాతో హీరోగా సినీ అరంగేట్రం చేశారు మ్యాచో స్టార్ గోపిచంద్ (Gopichand). ఈ సినిమా ప్రేక్షకులను మెప్పించలేకపోయింది.. దీంతో అనుహ్యంగా విలన్‍గా తెరపై కనిపించి షాకిచ్చాడు హీరో గోపిచంద్. యంగ్ హీరో నితిన్, సదా జంటగా నటించిన జయం సినిమాలో పవర్ ఫుల్ విలన్ పాత్రలో కనిపించి మెప్పించారు.. ఆ తర్వాత నిజం, వర్షం వంటి చిత్రాల్లోనూ ప్రతినాయకుడిగా నటించారు. విలన్‍గా సక్సెస్ అయిన గోపీచంద్.. ఆ తర్వాత వచ్చిన యజ్ఞం సినిమాతో మరోసారి హీరోగా తెరపై సందడి చేశారు. ఈ మూవీ బ్లాక్ బస్టర్ హిట్ అయ్యింది. ఈ మూవీ తర్వాత గోపిచంద్ వెనుదిరిగి చూసుకోలేదు. ఎన్నో సూపర్ హిట్ చిత్రాల్లో నటించి మెప్పించారు..
ప్రస్తుతం ఈ టాలెంటెడ్ హీరో ప్రధాన పాత్రలో నటిస్తోన్న చిత్రం పక్కా కమర్షియల్. డైరెక్టర్ మారుతి తెరకెక్కిస్తున్న ఈ సినిమాలో రాశీ ఖన్నా కథానాయికగా నటిస్తోంది. ఇప్పటికే అన్ని కార్యక్రమాలు పూర్తిచేసుకున్న ఈ మూవీ జూలై 1న విడుదల కానుంది. ఈ సినిమా ప్రమోషన్లలో భాగంగా ఇటీవల ఆలీతో సరదాగా కార్యక్రమంలో పాల్గొన్న గోపిచంద్.. ప్రస్తుతం తాను హీరోగా మంచి స్థాయిలో ఉన్నప్పటికీ.. కథ , రోల్ నచ్చితే మరోసారి విలన్ పాత్రలో నటించేందుకు సిద్ధంగా ఉన్నాను.. హీరోగా ధీటుగా ఉండే విలన్ పాత్రలను చేస్తానని.. ఆ వైవిధ్యం ఉండాలంటూ చెప్పుకొచ్చారు..
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.