Bro Movie: టీవీల్లోకి వచ్చేస్తోన్న మామ, మేనల్లుడి సినిమా.. వరల్డ్ టెలివిజన్ ప్రీమియర్‏గా ‘బ్రో’..

Bro Movie

పవర్ స్టార్ పవన్ కళ్యాణ్ సినిమాల కోసం మెగా అభిమానులు ఎంతో ఆసక్తిగా ఎదురుచూస్తున్నారు. ప్రస్తుతం ఆయన చేతినిండా సినిమాలతో.. మరోవైపు రాజకీయాలతో ఫుల్ బిజీగా ఉన్నారు. హరి హర వీరమల్లు, ఉస్తాద్ భగత్ సింగ్, ఓజీ చిత్రాలు షూటింగ్ జరుపుకుంటుండగా.. ఈ మూవీస్ అప్డేట్స్ కోసం వేయి కళ్లతో చూస్తున్నారు ఫ్యాన్స్. చివరిసారిగా పవన్ బ్రో చిత్రంలో కనిపించారు. ఇందులో సుప్రీమ్ హీరో సాయి ధరమ్ తేజ్ ప్రధాన పాత్ర పోషించారు. మొదటిసారి మామ, మేనల్లుడు కలిసి నటించడంతో ఈ మూవీకి అడియన్స్ నుంచి పాజిటివ్ రెస్పాన్స్ వచ్చింది. అటు ఓటీటీలోనూ ఈ చిత్రానికి సూపర్ రెస్పాన్స్ వచ్చింది. ఇక ఇప్పుడు ఈ చిత్రం వరల్డ్ టెలివిజన్ ప్రీమియ్ర గా బుల్లితెర ప్రేక్షకులను అలరించడానికి సిద్ధమయ్యింది.

త్వరలోనే ఈ సినిమా జీ తెలుగులో ప్రసారం కానుంది. అయితే ఈ మూవీని ఎప్పుడూ ప్రసారం చేయనున్నారనే క్లారిటీ మాత్రం ఇంకా రావాల్సి ఉంది. దీంతో ఇప్పుడు మరోసారి బుల్లితెరపై ఈ చిత్రాన్ని వీక్షించేందుకు రెడీ అవుతున్నారు మూవీ లవర్స్. నటుడు కమ్ డైరెక్టర్ సముద్రఖని దర్శకత్వం వహించిన ఈ సినిమాలో కేతిక శర్మ, ప్రియా ప్రకాష్ వారియర్, అలీ రెజా కీలకపాత్రలలో నటించగా.. మ్యూజికల్ సెన్సేషన్ థమన్ సంగీతం అందించారు. ఇప్పటికే థియేటర్లలో, ఓటీటీలో మంచి రెస్పాన్స్ సొంతం చేసుకున్న ఈ చిత్రం బుల్లితెరపై ఎలాంటి రెస్పాన్స్ అందుకుంటుందో చూడాలి.

ఇక వాల్తేరు వీరయ్య సినిమా సైతం టీవీల్లో అలరించేందుకు రెడీ అయ్యింది. దసరా సందర్భంగా అక్టోబర్ 19న ఈ మూవీ జెమినీ టీవీలో ప్రసారం కానున్నట్లు తెలుస్తోంది. డైరెక్టర్ బాబీ దర్శకత్వం వహించిన ఈ సినిమా బ్లాక్ బస్టర్ హిట్ అయిన సంగతి తెలిసిందే. ఇక ఈసారి దసరా బుల్లితెరపై మెగా బ్రదర్స్ చిత్రాలతో ప్రేక్షకులకు మరింత వినోదం అందించనున్నారు.

మరిన్ని సినిమా వార్తల కోసం ఇక్కడ క్లిక్ చేయండి.