బుల్లితెర ఆడియెన్స్ కు వినోదం అందించేందుకు బిగ్ బాస్ మళ్లీ వచ్చేస్తున్నాడు. ఇప్పటికే ఈ సెలబ్రిటీ రియాలిటీ గేమ్ షో 7 సీజన్లను సక్సెస్ ఫుల్ గా కంప్లీట్ చేసుకుంది. ఇప్పుడు ఎనిమిదో సీజన్ కోసం ముహూర్తం కూడా ఫిక్స్ అయ్యింది. దీనికి సంబంధించిన ప్రోమోను కూడా ఇటీవలే విడుదల చేశారు. లోగోను కూడా సరికొత్తగా డిజైన్ చేశారు. ఆగస్టు చివరి వారం లేదా సెప్టెంబర్ మొదటి వారంలో బిగ్ బాస్ ఎనిమిదో సీజన్ ప్రారంభం కావచ్చునని సమాచారం. త్వరలోనే దీనిపై అధికారిక ప్రకటన వెలువడనుంది. ఇదిలా ఉంటే బిగ్ బాస్ కొత్త సీజన్ కు హోస్ట్ మారుతారని గుసగుసలు వినిపించాయి. అక్కినేని నాగార్జున స్థానంలో మరొక స్టార్ హీరో బిగ్ బాస్ ను నడిపిస్తాడని వార్తలు వచ్చాయి. అయితే అవన్నీ కేవలం రూమర్లుగానే మిగిలి పోయాయి. బిగ్బాస్ 8వ సీజన్కు కూడా కింగ్ నాగార్జున హోస్ట్ చేయనున్నారు. అయితే, గత సీజన్తో పోలిస్తే ఈ నయా సీజన్కు ఆయన రెమ్యూనరేషన్ భారీగా పెరిగిందని సమాచారం.
బిగ్ బాస్ 8వ సీజన్ కోసం నాగార్జున ఏకంగా రూ.30కోట్ల రెమ్యూనరేషన్ తీసుకోనున్నారని టాక్ నడుస్తోంది. 7వ సీజన్ కోసం రూ.20కోట్లను నాగార్జున అందుకున్నారు. అయితే, ఈ కొత్త సీజన్ కోసం ఆయన రూ.10కోట్లు అధికంగా తీసుకోనున్నారట. అంటే ఓవరాల్ గా రూ. 30 కోట్లు నాగ్ అందుకోనున్నారన్నమాట. ఒక టీవీ షోకు ఈ రేంజ్ లో రెమ్యునరేషన్ అందుకోవడమంటే మాములు విషయమేమీ కాదు. మరోవైపు బిగ్ బాస్ సీజన్ 8 లో కంటెస్టెంట్స్ ఎవరన్నది కూడా ఆసక్తికరంగా మారింది. సోనియా సింగ్, కుమారీ ఆంటీ, యాంకర్లు రీతు చౌదరి, విష్ణు ప్రియ, నటుడు ప్రభాస్ శీను, కమెడియన్ యాదమరాజు పేర్లు ప్రముఖంగా వినిపిస్తున్నాయి. అలాగే యూట్యూబర్లు బంచిక్ బబ్లూ, అనిల్ గీలా, అలీ సోదరుడు ఖయ్యూం కూడా హౌస్ లోకి అడుగు పెట్టే అవకాశాలున్నాయని తెలుస్తోంది.
We are bringing entertainment back with a BANG !!!!💥
Presenting the logo for the epic Season 8 of Bigg Boss!
Are you ready for an Infinity of fun and entertainment?! #BiggBossTelugu8 @StarMaa @DisneyPlusHSTel pic.twitter.com/9Du8wdsa0Q
— Nagarjuna Akkineni (@iamnagarjuna) July 21, 2024
మరిన్ని సినిమా వార్తల కోసం ఇక్కడ క్లిక్ చేయండి