Punch Prasad: క్షీణించిన స్టార్‌ కమెడియన్‌ ఆరోగ్యం.. కనీసం నడవలేని స్థితిలో పంచ్ ప్రసాద్
కిడ్నీ సమస్యలతో ఇబ్బందిపడుతున్నప్పటికీ తన వ్యాధిని కూడా చాలా సందర్భాల్లో స్కిట్‌లో వాడి అందరినీ నవ్విస్తున్నాడీ స్టార్‌ కమెడియన్‌. అలాంటి పంచ్ ప్రసాద్ ఆరోగ్య పరిస్థితి ప్రస్తుతం క్షీణించింది. కనీసం నడవలేని స్థితిలో ఉన్నాడు.
పంచ్ ప్రసాద్.. తనదైన కామెడీ, పంచ్ డైలాగ్స్‌తో కడుపుడ్బా నవ్వించే ఈ జబర్దస్త్ కమెడియన్‌ గురించి బుల్లితెర ప్రేక్షకులకు ప్రత్యేక పరిచయం అవసరం లేదు. కిడ్నీ సమస్యలతో ఇబ్బందిపడుతున్నప్పటికీ తన వ్యాధిని కూడా చాలా సందర్భాల్లో స్కిట్‌లో వాడి అందరినీ నవ్విస్తున్నాడీ స్టార్‌ కమెడియన్‌. అలాంటి పంచ్ ప్రసాద్ ఆరోగ్య పరిస్థితి ప్రస్తుతం క్షీణించింది. కనీసం నడవలేని స్థితిలో ఉన్నాడు. ఈ విషయాన్ని యూట్యూబ్‌ ఛానెల్‌ ద్వారా షేర్ చేశాడు మరో జబర్దస్త్ కమెడియన్‌ నూకరాజు.ఈ వీడియోలో పంచ్ ప్రసాద్ కాళ్లకు వాపు రాగా.. కనీసం నడవలేకపోతున్నాడు. కనీసం కదలాలన్నా అతని భార్య సహాయం తీసుకుంటున్నాడు. ఈ విషయమై ప్రసాద్ సతీమణి మాట్లాడుతూ ‘ ఓరోజు షూటింగ్‌ ముగించుకుని వచ్చిన ఆయన జ్వరం వచ్చిందని చెప్పి పడుకున్నారు. లేచిన తర్వాత బాగా నడుము నొప్పి వస్తుందన్నారు. దీంతో డాక్టర్‌ సలహా తీసుకుని పెయిన్‌ కిల్లర్‌ ఇచ్చాను. మరుసటి రోజు డయాలసిస్‌కు వెళ్లారు. వచ్చాక విశ్రాంతి తీసుకున్నారు. జ్వరం, నడుము నొప్పి ఇంకా తగ్గకపోవడంతో మళ్లీ ఆస్పత్రికి తీసుకెళ్లాం. డాక్టర్లు అన్ని పరీక్షలు చేశారు. అయితే నొప్పికి గల కారణాలు తెలుసుకోలేకపోయారు. కొన్ని రోజులు మందులు వాడినా ఫలితంలేదు. చివరకు ఎంఆర్‌ఐ స్కానింగ్‌ చేస్తే ఏంటో బయటపడింది. నడుము వెనక భాగం నుంచి కాలి వరకు చీము పట్టింది’ అని వాపోయింది.
‘డయాలసిస్‌ బాధితుల్లో ఇలాంటి సమస్యలు వస్తాయట. పరీక్షలు చేసిన తర్వాత అది మందులతో నయమవుతుందా? ఆపరేషన్‌ అవసరమా? అనే విషయాన్ని డాక్టర్లు చెబుతామన్నారు’ అని నూకరాజు తెలిపాడు. కాగా పంచ్ ప్రసాద్ గత కొన్నేళ్లుగా కిడ్నీ సమస్యలతో బాధపడుతున్న విషయం తెలిసిందే. రెండు కిడ్నీలు చెడిపోవడంతో గతంలో చాలా రోజులు ఆస్పత్రిలోనే ఉన్నాడు. జబర్దస్త్ షోను కూడా మానేశాడు. ఆ సమయంలో మెగా బ్రదర్‌ నాగబాబు ఆధ్వర్యంలో డబ్బులు పోగుచేసి అతనికి ఆర్థిక సహాయం అందించారు. అయితే తెర వెనక ఎన్ని ఇబ్బందులున్నా బుల్లితెరపై కడుపుబ్బా నవ్వించేందుకు శతవిధాలా ప్రయత్నిస్తుంటాడీ కమెడియన్‌. ఇప్పుడు కూడా తన అనారోగ్యం గురించి ఇతరులకు చెప్పేందుకు ప్రసాద్ ఇష్టపడలేదు. అయితే నూకరాజు బలవంతం చేయడంతో తన ఆరోగ్య పరిస్థితిని బయటపెట్టాడు. ఈ సందర్భంగా ప్రసాద్‌కు ఆశీస్సులు అందించాలని ప్రేక్షకులు, అభిమానులను కోరారు.
మరిన్ని సినిమా వార్తల కోసం క్లిక్ చేయండి..