Bigg Boss 8 Telugu: గంటల్లోనే తారుమారైన బిగ్ బాస్ ఓటింగ్.. టాప్‌లోకి గౌతమ్.. ఎలిమినేట్ అయ్యేది ఎవరంటే?

Bigg Boss 8 Telugu

బుల్లితెర ప్రేక్షకుల ఫేవరెట్ టీవీ షో బిగ్‌బాస్ 8 తెలుగు సీజన్ తొమ్మిదో వారం ఆఖరుకు వచ్చేసింది. కాబట్టి ఈ వారం ఎవరు హౌస్ నుంచి బయటకు వెళ్లనున్నారన్నది ఆసక్తికరంగా మారింది. సెప్టెంబర్ 1న గ్రాండ్ గా ప్రారంభమైన ఈ రియాల్టీ షో లో ఎనిమిది వారాల్లో ఏకంగా తొమ్మిది కంటెస్టెంట్స్ ఎలిమినేట్ అయ్యారు. బెజవాడ బేబక్క, శేఖర్ బాషా, అభయ్ నవీన్, సోనియా ఆకుల, ఆదిత్య ఓమ్, నైనిక, కిర్రాక్ సీత, నాగ మణికంఠ, మెహబూబ్ దిల్ సే బిగ్ బాస్ హౌస్ నుంచి బయటకు వెళ్లిపోయారు. ఇక తొమ్మిదో వారంలో ఎవరు ఎలిమినేట్ అవుతారన్నది ఉత్కంఠగా మారింది. ఈసారి తమ్, యష్మి, టేస్టీ తేజ, హరితేజ, నయని పావని నామినేషన్స్‌లో ఉన్నారు. వీరికి ఆన్ లైన్ ఓటింగ్ కూడా శుక్రవారం అర్ధరాత్రితో ముగిసింది. ఇక గతవారం ఓటింగ్ లో టాప్ లో నిలిచిన యష్మీ ఈ వీక్ ఓటింగ్ లోనూ టాప్ లో దూసుకెళుతోంది. ముఖ్యంగా పానిపట్టు టాస్క్ లో యష్మి చూపించిన జోష్ ఆమెకు ప్లస్ పాయింట్ గా మారింది. కాగా లేటెస్ట్ ఆన్ లైన్ పోలింగ్ ప్రకారం గౌతమ్ మొదటి స్థానంలోకి వచ్చాడని తెలుస్తోంది. ఇప్పటివరకు టాప్‌లో ఉన్న యష్మి రెండో ప్లేసుకు పడిపోయినట్లు తెలుస్తోంది.

ఇక గత వారంలో త్రుటిలో ఎలిమినేషన్ నుంచి తప్పించుకున్న నయని ఈ వారం ఓటింగ్ లోనూ ఆఖరి స్థానంలో నిలిచింది. అయితే ఇప్పుడు ఆమె ఏకంగా మూడో ప్లేస్‌లోకి వచ్చేసింది. ఇక నాలుగు, ఐదు స్థానాల్లో వరుసగా టేస్టీ తేజ, హరితేజ ఉన్నారు. అంటే ప్రస్తుతం వీరు డేంజర్ జోన్ లో ఉన్నారన్నమాట. ఓటింగ్ లెక్కలు ప్రాతిపదికన తీసుకుంటే వీరిద్దరిలో ఒకరు ఈ వారం హౌస్ నుంచి ఒకరు ఎలిమినేట్ అవ్వాలి. అయితే వీరిలో టేస్టీ తేజ బిగ్ బాస్ కు కావాల్సిన ఎంటర్ టైన్మెంట్, ఫన్ కంటెంట్ ఇస్తున్నాడు. వీరితో పోలిస్తే నయని, హరితేజ మాత్రం అంతంతమాత్రంగానే టాస్కులు ఆడుతున్నారు. కాబట్టి వీరిద్దరిలో ఒకరు బయటకు వెళ్లడం ఖాయంగా అనిపిస్తోంది. మరికొన్ని గంటల్లో దీనిపై ఒక క్లారిటీ రానుంది.

మరిన్ని సినిమా వార్తల కోసం ఇక్కడ క్లిక్ చేయండి.