Bigg Boss 7 Telugu: పాపం అప్పుడు రైతు బిడ్డ.. ఇప్పుడు డప్పు బిడ్డ.. ఈ వారం నామినేషన్స్‌ లిస్ట్‌ ఇదే!
ప్పటిలాగే బిగ్‌బాస్‌ హౌజ్‌లో సోమవారం నామినేషన్స్‌ హోరాహోరీగా జరిగాయి. కాగా ఇప్పటివరకు పాత కంటెస్టెంట్లను ఆటగాళ్లుగా, కొత్తగా హౌస్‌లో ఎంట్రీ ఇచ్చిన వైల్డ్‌ కార్డ్‌ కంటెస్టెంట్లను పోటుగాళ్లుగా విభజించిన బిగ్‌బాస్‌ ఇవాళ (అక్టోబర్‌ 16) ఆ తారతమ్యాలు చెరిపేశాడు. ఇక హౌజ్‌లో అందరూ సమానమేనన్నాడు. ఇక ఈ వారం నామినేషన్స్‌ ప్రక్రియలో భాగంగా..
బుల్లితెర ప్రేక్షకులను అలరిస్తోన్న బిగ్ బాస్ ఏడో సీజన్‌ ఏడో వారంలోకి ప్రవేశించింది. అయితే ఆరో వారం ఎలిమినేషన్‌ మాత్రం చాలా మందిని ఆశ్చర్యపరిచింది. పాపం సోషల్‌ మీడియా సెన్సేషన్‌ నయని పావని కేవలం ఒక్క వారానికే హౌజ్‌ నుంచి బయటకు వెళ్లిపోయింది. దీంతో మళ్లీ బిగ్ బాస్ ఓటింగ్‌పై అనుమానాలు తలెత్తుతున్నాయి. బిగ్‌బాస్‌లో అంతా అగ్రిమెంట్ ప్రకారమే నడుస్తుందని ఆడియెన్స్‌ విమర్శలు గుప్పిస్తున్నారు. ఇక ఎప్పటిలాగే బిగ్‌బాస్‌ హౌజ్‌లో సోమవారం నామినేషన్స్‌ హోరాహోరీగా జరిగాయి. కాగా ఇప్పటివరకు పాత కంటెస్టెంట్లను ఆటగాళ్లుగా, కొత్తగా హౌస్‌లో ఎంట్రీ ఇచ్చిన వైల్డ్‌ కార్డ్‌ కంటెస్టెంట్లను పోటుగాళ్లుగా విభజించిన బిగ్‌బాస్‌ ఇవాళ (అక్టోబర్‌ 16) ఆ తారతమ్యాలు చెరిపేశాడు. ఇక హౌజ్‌లో అందరూ సమానమేనన్నాడు. ఇక ఈ వారం నామినేషన్స్‌ ప్రక్రియలో భాగంగా.. కంటెస్టెంట్ల ఎదుట ఉన్న కుండను పగలగొట్టి నామినేషన్‌ చేయాలని తెలిపాడు. కాగా సీజన్‌ ప్రారంభంలో రైతు బిడ్డ పల్లవి ప్రశాంత్‌పై మూకుమ్మడిగా దాడి చేసి నామినేట్ చేసిన కంటెస్టెంట్స్‌.. ఈ వారం డప్పు బిడ్డ భోలేషావళి పై పడ్డారు. ఈ వారం హౌజ్‌లో మెజారిటీ కంటెస్టెంట్స్‌ భోలేని నామినేట్ చేయడం గమనార్హం. ముఖ్యంగా అమర్ దీప్, శోభాశెట్టి, అర్జున్, ప్రియాంక, పూజా, భోలేని నామినేట్ చేస్తూ.. గొడవకు దిగారు.
పదేళ్ల పిల్లాడిలా కనిపిస్తున్నావ్..
మొదట పల్లవి ప్రశాంత్‌.. సందీప్ మాస్టర్‌, అమర్‌దీప్‌లను నామినేట్ చేశాడు. ఇక అమర్.. అశ్వినిని నామినేట్ చేశాడు. అయితే తనను నామినేట్ చేయడంపై స్పందించిన అశ్విని అమర్‌కు బదులుగా ప్రశాంత్‌.. ప్రశాంత్‌.. అని రైతుబిడ్డ పేరు జపించడం గమనార్హం. ఆ తర్వాత డప్పు బిడ్డ భోలెను నామినేట్ చేశాడు అమర్. దీనిని చూసి నవ్వుకున్న భోలె.. ‘నువ్వు నాకు పదేళ్ల పిల్లాడిలా కనపడుతున్నావ్‌’ అంటూ అమర్‌కు కౌంటర్‌ ఇచ్చాడు. ఆ తర్వాత వంతు పూజా మూర్తిది కాగా.. ఆమె అశ్విని, భోలె షావళిని నామినేట్ చేసింది. అలా ఈ వారం మొత్తానికి ఎక్కువ నామినేషన్‌ ఓట్లు అశ్విని, భోలేషావళికి పడినట్లు తెలుస్తోంది.
కాగా సోషల్‌ మీడియాలో ఉన్న సమాచారం ప్రకారం ఏడో వారం నామినేషన్స్‌లో మొత్తం 8 మంది కంటెస్టెంట్లు ఉన్నది తెలుస్తుంది. అంబటి అర్జున్, గౌతమ్‌, అమర్, భోలె షావళి, అశ్విని శ్రీ, టేస్టీ తేజ, పూజా మూర్తి, శోభా శెట్టి, ప్రశాంత్‌ నామినేషన్‌లో ఉన్నారని తెలుస్తోంది.
బిగ్ బాస్ లేటెస్ట్ ప్రోమో..