బుల్లితెర ప్రేక్షకులు ఎంతగానో ఎదురుచూస్తోన్న బిగ్బాస్ కొత్త సీజన్ మరికొన్ని గంటల్లో ప్రారంభం కానుంది. ఇప్పటికే ఏడు సీజన్లను సక్సెస్ ఫుల్ గా సక్సెస్ ఫుల్ గా కంప్లీట్ చేసుకున్న ఈ రియాలిటీ షో ఎనిమిదో సీజన్ ఆదివారం (సెప్టెంబర్ 01)న గ్రాండ్ గా ప్రారంభం కానుంది. ఇందుకోసం ఇప్పటికే అన్ని రకాల ఏర్పాట్లు పూర్తయ్యాయి. మరోవైపు హోస్ట్ గా నాగార్జున వరుసగా ప్రోమోలు రిలీజ్ చేస్తున్నారు. ఈసారి లిమిట్ లెస్ ఎంటర్టైన్మెంట్ అంటూ కొత్త సీజన్ పై బజ్ క్రియేట్ చేస్తున్నారు. దీంతో బిగ్ బాస్ ఎప్పుడెప్పుడు మొదలు అవుతుందా అని ఫ్యాన్స్ ఎదురుచూస్తున్నారు. అలాగే హౌస్ లోకి ఎవరెవరు కంటెస్టెంట్స్ గా వెళ్తున్నారో అన్న ఆసక్తి కూడా నెలకొంది. ఇక గతంలో లాగే ఈ బిగ్ బాస్ గ్రాండ్ లాంఛింగ్ లో స్టార్ హీరోయిన్ల డ్యాన్సు పర్ఫామెన్స్ లు, సెలబ్రిటీల ఎంట్రీలు ఉండనున్నాయని తెలుస్తోంది. తాజా సమాచారం ప్రకారం బిగ్ బాస్ ఓపెనింగ్ ఎపిసోడ్ కి హీరో నాని గెస్ట్ గా రాబోతున్నాడట. గతంలో బిగ్ బాస్ సీజన్ 2 కి హోస్ట్ గా వ్యవహరించాడు న్యాచరల్ స్టార్. ఆ తర్వాత నాగార్జున హోస్ట్ చేస్తున్నప్పుడు కూడా పలుమార్లు బిగ్ బాస్ షోు గెస్ట్ గా వచ్చి అలరించాడు నాని. ఇప్పుడు మరోసారి సీజన్ 8 లో ఓపెనింగ్ ఎపిసోడ్ లోనే రాబోతున్నట్టు తెలుస్తుంది. ఇటీవలే సరిపోదా శనివారం సినిమాతో ప్రేక్షకుల ముందుకు వచ్చాడు నాని. ప్రస్తుతం ఈ మూవీ థియేటర్లలో సక్సెస్ ఫుల్ గా రన్ అవతోంది. ఈనేపథ్యంలో తన మూవీ ప్రమోషన్స్ లో భాగంగానే నాని బిగ్ బాస్ లోకి వస్తున్నాడట. దీనికి సంబంధించిన షూట్ శనివారం జరిగిందని సమాచారం .
బిగ్ బాస్ 8 ఓపెనింగ్ ఎపిసోడ్ తోనే ప్రేక్షకుల్లో అంచనాలు పెంచాలని షో నిర్వాహకులు గట్టిగా భావిస్తున్నారట. అందులో భాగంగానే ఈ ఎపిసోడ్ కు ‘సరిపోదా శనివారం’ టీమ్ ను ఇన్వైట్ చేశారట. ఇందుకు నాని కూడా ఓకే చెప్పారట. అంటే ఆదివారం ఎపిసోడ్ కు హీరో నానితో పాటు అందాల తార ప్రియాంక అరుల్ మోహన్, డైరెక్టర్ వివేక్ ఆత్రేయ, మరో ట్యాలెంటెడ్ యాక్టర్ ఎస్ జే సూర్య రానున్నట్లు సమాచారం. మొత్తానికి తాజా, మాజీ హోస్టులిద్దరూ బిగ్ బాస్ స్టేజిపై దుమ్ము రేపనున్నట్లు తెలుస్తోంది.
Name: Surya.
Job: Setting the Box Office on Fire 🔥#SaripodhaaSanivaaram #BoxOfficeShivaThandavame pic.twitter.com/1pX5n9fFWY— DVV Entertainment (@DVVMovies) August 31, 2024
ఇక కంటెస్టెంట్స్ విషయానికి వస్తే.. హీరో ఆదిత్య ఓం, యాంకర్ విష్ణుప్రియ, యష్మీ గౌడ, నిఖిల్, ఆర్జే శేఖర్ బాషా, రీతూ చౌదరి, సోనియా ఆకుల, సోనియా సింగ్, నైనిక, బెజవాడ బేబక్క , పరమేశ్వర్ హివ్రాలే, రాకింగ్ రాకేష్, న్యూస్ రీడర్ కల్యాణ్, మోడల్ రవితేజ, విస్మయ శ్రీ, దొరసాని సీరియల్ యాక్టర్ పృథ్వీరాజ్, ఖయ్యూమ్ అలీ, సౌమ్యరావు, అంజలి పవన్ పేర్లు ప్రముఖంగా వినిపిస్తున్నాయి. వీరిలో కొందరు వైల్డ్ కార్ట్ కంటెస్టెంట్స్ గా కూడా ఎంట్రీ ఇవ్వచ్చని సమాచారం.
మరిన్ని సినిమా వార్తల కోసం ఇక్కడ క్లిక్ చేయండి.
.