మరోసారి పాట పాడనున్న పవన్ కళ్యాణ్.. మరోస్టార్‌తో కలిసి పవర్ స్టార్… ఏ సినిమాకోసమంటే

పవర్ స్టార్ పవన్ కళ్యాణ్ ప్రస్తుతం వాకీల్ సాబ్ సినిమాను పూర్తి చేసే పనిలో ఉన్నాడు. ఈ సినిమా తరవాత క్రిష్ తో ఓ సినిమా చేస్తున్నాడు పవన్ వీలైనంతవరకు ఆసినిమాను వేగంగా పూర్తి చెయ్యాలని అటు పవన్ ఇటు దర్శకుడు క్రిష్ భావిస్తున్నారు. ఈ సినిమాలతో పాటు మలయాళం రీమేక్ ‘అయ్యప్పనుమ్ కోషియమ్’ సినిమాను చేస్తున్నాడు పవన్. మలయాళంలో బిజూ మీనన్, పృథ్వీ రాజ్ పోషించిన పాత్రలను తెలుగులో పవన్, రానా చేయనున్నారు. దీనికి సాగర్ కె. చంద్ర దర్శకత్వం వహిస్తున్నారు. ఈ సినిమా కోసం పవన్ తో పాట పాడించనున్నాడట మ్యూజిక్ డైరెక్టర్ తమన్. పవన్ తో పాటు ఈ పాటలో మరో హీరో రానా దగ్గుబాటి కూడా గొంతు సవరిస్తాడని అంటున్నారు. మలయాళ లో బిజూ మీనన్, పృథ్వీ రాజ్ కలసి ఓ ప్రమోషనల్ సాంగ్ పాడారు. తెలుగులో కూడా ఇలాంటి పాటను పెట్టడం కోసం సంగీత దర్శకుడు తమన్ ఓ ట్యూన్ ను రెడీ చేస్తున్నాడట. మరి ఈవార్తల్లో నిజమెంత అన్నది తెలియాల్సి ఉంది.