Bichagadu 2: ఓటీటీ ఆడియెన్స్‌ గెట్‌ రెడీ.. మరికొన్ని గంటల్లో స్ట్రీమింగ్ కానున్న బిచ్చగాడు 2.. ఎక్కడంటే?

Bichagadu 2

విజయ్‌ ఆంటోని స్వీయ దర్శకత్వంలో హీరోగా నటించిన చిత్రం బిచ్చగాడు 2. కొన్నేళ్ల క్రితం వచ్చిన బిచ్చగాడు సినిమాకు ఇది సీక్వెల్. మే 16న ప్రేక్షకుల ముందుకు వచ్చిన బిచ్చగాడు 2 సూపర్‌ హిట్‌గా నిలిచింది. తమిళ్‌తో పాటు తెలుగులోనూ రిలీజైన ఈ సినిమాకు సూపర్ రెస్పాన్స్‌ వచ్చింది. మరీ ముఖ్యంగా తమిళ్‌ కంటే తెలుగులోనూ బిచ్చగాడు 2 సినిమాకు ఎక్కువ కలెక్షన్లు రావడం విశేషం. ఈక్రమంలో థియేటర్లలో అదరగొట్టిన విజయ్‌ ఆంటోని సినిమా ఓటీటీ రిలీజ్ కోసం అందరూ ఆసక్తిగా చూస్తున్నారు. ఇప్పుడీ నిరీక్షణకు తెరపడనుంది. ప్రముఖ ఓటీటీ సంస్థ డిస్నీ ప్లస్ హాట్ స్టార్ బిచ్చగాడు 2 సినిమా డిజిటల్‌ స్ట్రీమింగ్‌ రైట్స్‌ ను సొంతం చేసుకుంది. థియేట్రికల్‌ రన్‌ ముగియడంతో శనివారం అర్ధరాత్రి నుంచి ఈ సినిమా స్ట్రీమింగ్‌ కానుంది. తమిళ్‌తో పాటు తెలుగు, కన్నడ, మలయాళ భాషల్లో బిచ్చగాడు 2 సినిమా అందుబాటులోకి రానుంది.

బిచ్చగాడు 2 సినిమాలో కావ్యా థాపర్‌ హీరోయిన్‌గా నటించింది. అలాగే దేవ్ గిల్, రాధారవి, హరీశ్‌ పెరడి, మన్సూర్‌ అలీఖాన్‌, వైజీ మహేంద్రన్‌, రాజా కృష్ణమూర్తి తదితరులు కీలక పాత్రలు పోషించారు. విజయ్‌ ఆంటోని సతీమణి ఫాతిమా నిర్మాతగా వ్యవహరించింది. మరి థియేటర్లలో బిచ్చగాడు 2 సినిమాను మిస్‌ అయిన వాళ్లు, మళ్లీ చూడాలనుకున్న వాళ్లు ఎంచెక్కా ఓటీటీలో చూసి ఎంజాయ్‌ చేయండి.

మరిన్ని సినిమా వార్తల కోసం ఇక్కడ క్లిక్ చేయండి.