Vijay Sethupathi: విడుదలైన 4 ఏళ్లకు ఓటీటీలోకి రాబోతున్న విజయ్ సేతుపతి సినిమా.. ఆహాలో స్ట్రీమింగ్ ఎప్పుడంటే..

Vijay Sethupathi

ప్రస్తుతం థియేటర్‏లో సినిమాలు రిలీజ్ అయిన నెలకే ఓటీటీలోకి వచ్చేస్తున్నాయి. మిశ్రమ స్పందన సంపాదించుకున్న చిత్రాలు మాత్రం రెండు వారాలకే స్ట్రీమింగ్ అవుతుంటే..బ్లాక్ బస్టర్ హిట్ సినిమాలు 50-80 రోజులలో డిజిటల్ ప్లాట్ ఫాంపై సందడి చేస్తున్నాయి. కానీ ఓ సినిమా మాత్రం రిలీజ్ అయిన నాలుగేళ్ల తర్వాత ఓటీటీలోకి రాబోతుంది. అదే ఓ మంచి రోజు చూసి చెప్తా. తమిళ్ స్టార్ హీరో విజయ్ సేతుపతి (Vijay Sethupathi). మెగా డాటర్ నిహారిక కొణిదెల జంటగా నటించిన ఈ సినిమా 2018లో విడుదలై సూపర్ హిట్‏గా నిలిచింది. ఈ సినిమాకు ఆరుముగా కుమార్ దర్శకత్వం వహించగా.. శ్రీమతి రావూరి అల్లికేశ్వరి సమర్పణలో అపోలో ప్రొడక్షన్స్ బ్యానర్ పై డాక్టర్ రావూరి వెంకటస్వామి నిర్మించారు. ఇందులో విజయ్ సేతుపతి, నిహారిక నటనకు మంచి మార్కులే పడ్డాయి. ప్రేక్షకుల మెప్పు పొందిన ఈ మూవీ ఇక ఇప్పుడు ఓటీటీలో సందడి చేసేందుకు సిద్ధమైంది.

ప్రముఖ ఓటీటీ సంస్థ ఆహాలో ఈ సినిమా ఆగస్ట్ 26 నుంచి స్ట్రీమింగ్ కానుంది. తాజాగా ఇందుకు సంబంధించిన ట్రైలర్ రిలీజ్ చేసింది ఆహా. ఇందులో విజయ్ దొంగతనాలు చేసే యముడిగా విజయ్ కనిపించగా.. యువరాణి పాత్రలో నిహారిక నటించింది. సేతుపతిని మామయ్య అంటూ పిలుస్తుంది. కామెడీ ఎంటర్టైనర్‏గా రానున్న ఈ చిత్రంలో గౌతమ్ కార్తిక్ కీలకపాత్రలో నటించాడు. అలాగే జస్టిన్ ప్రభాకరన్ సంగీతం అందించారు. గాయత్రీ శంకర్, వీజి చంద్రశేఖర్, రమేష్ తిలక్ ముఖ్య పాత్రలు పోషించారు. తమిళంలో ఈ సినిమాను ఓరు నల్ల నాల్ పాతు సోలరెన్ టైటిల్‍తో విడుదలైంది. తాజాగా ఆహా విడుదల చేసిన ట్రైలర్ ఆకట్టుకుంటుంది.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.