Suhas – Keerthy Suresh: సుహాస్‌కు జోడీగా కీర్తి సురేశ్‌.. క్రేజీగా సినిమా టైటిల్.. నేరుగా ఓటీటీలోకి ఎప్పుడంటే?
టాలీవుడ్ లో మరో క్రేజీ కాంబినేషన్ కు రంగం సిద్ధమైంది. స్టార్ హీరోయిన్ గా మస్త్ క్రేజ్ ఉన్న మహానటి కీర్తి సురేశ్‌, ఇప్పుడిప్పుడే హీరోగా సత్తా చాటుతోన్న సుహాస్ కాంబినేషన్‌లో ఓ క్రేజీ సినిమా రానుంది. తాజాగా ఈ ఆసక్తికరమైన సినిమాకు టైటిల్ కూడా ఫిక్స్ అయ్యింది
టాలీవుడ్ లో మరో క్రేజీ కాంబినేషన్ కు రంగం సిద్ధమైంది. స్టార్ హీరోయిన్ గా మస్త్ క్రేజ్ ఉన్న మహానటి కీర్తి సురేశ్‌, ఇప్పుడిప్పుడే హీరోగా సత్తా చాటుతోన్న సుహాస్ కాంబినేషన్‌లో ఓ క్రేజీ సినిమా రానుంది. తాజాగా ఈ ఆసక్తికరమైన సినిమాకు టైటిల్ కూడా ఫిక్స్ అయ్యింది. నిన్నిలా.. నిన్నిలా మూవీ ఫేమ్ అని ఐవీ శశి తెరకెక్కించనున్న ఈ సినిమాకు ఉప్పుకప్పురంబు అని టైటిల్ ను ఖరారు చేశారు. వసంత్ మురళీ కృష్ణ ఈ సినిమాకు కథ అందిస్తున్నారు. రాధిక లావూ నిర్మాతగా వ్యవహరించనున్నారు.త్వరలోనే ఈ సినిమా పట్టాలెక్కనున్నట్లు ప్రముఖ ఓటీటీ సంస్థ అమెజాన్ ప్రైమ్ వీడియో అధికారికంగా ప్రకటించింది. మంగళవారం (మార్చి 19) న జరిగిన ఒక ఈవెంట్ లో సినిమాకు సంబంధించిన వివరాలను ప్రకటించింది. అమెజాన్ ఒరిజినల్స్ మూవీ గా తెరకెక్కనుందంటే.. ఉప్పుకప్పురంబు సినిమా థియేటర్లలో కాకుండా డైరెక్టుగా ఓటీటీలోనే రిలీజ్ కానుందన్న మాట. సినిమా షూటింగ్ పూర్తయ్యాక అధికారిక స్ట్రీమింగ్ డేట్ ను వెల్లడించనుంది అమెజాన్ ప్రైమ్ వీడియో.
సినిమా లైన్ ఏంటంటే?
ఇదిలా ఉంటే ఇదే ఈవెంట్ లోనే ఉప్పు కప్పురంబు సినిమా స్టోరీ లైన్‍ను కూడా అమెజాన్ ప్రైమ్ వీడియో వెల్లడించింది. పూర్తి సెటైరికల్ కామెడీ మూవీగా ఇది రానుందట. ‘స్మశానంలో స్థలం అయిపోవడంతో ఓ గ్రామంలో ఊహించని ఇబ్బందులు ఎదురవుతాయి. ఇది అక్కడి జనాల మధ్య తీవ్ర గందరగోళాన్ని క్రియేట్ చేస్తుంది. మరి ఆ గ్రామస్తుల సమస్య పరిష్కారమైందా? ఇందులో సుహాస్, కీర్తిల పాత్ర ఏంటో తెలుసుకోవాలంటే సినిమా వచ్చేదాకా వెయిట్ చేయాల్సిందే.
ఉప్పుకప్పురంబు టైటిల్ తో..
నేరుగా ఓటీటీలోనే స్ట్రీమింగ్..
మరిన్ని సినిమా వార్తల కోసం ఇక్కడ క్లిక్ చేయండి.