Love Story: ఓటీటీలో ప్రత్యక్షంకానున్న నాగచైతన్య- సాయిపల్లవిల ‘లవ్ స్టోరీ’.?
అక్కినేని నాగచైతన్య నటించిన రీసెంట్ మూవీ లవ్ స్టోరీ. శేఖర్ కమ్ముల దర్శకత్వంలో తెరకెక్కిన ఈ సినిమాలో అందాల సాయిపల్లవి హీరోయిన్ గా నటించింది.
Love Story: అక్కినేని నాగచైతన్య నటించిన రీసెంట్ మూవీ లవ్ స్టోరీ. శేఖర్ కమ్ముల దర్శకత్వంలో తెరకెక్కిన ఈ సినిమాలో అందాల సాయిపల్లవి హీరోయిన్ గా నటించింది. అందమైన ప్రేమ కథగా తెరకెక్కిన ఈసినిమా ప్రేక్షులను ఆకట్టుకుంది. కరోనా సెకండ్ వేవ్ తర్వాత థియేటర్స్ కు వచ్చిన లవ్ స్టోరీ సినిమా మంచి విజయాన్ని అందుకుంది. జీవితంలో ఎదో సాధించడానికి సిటీకి వచ్చిన ఇద్దరు ఎదుర్కొన్న పరిస్థితులు, ప్రేమలో ఎలా పడ్డారు, వాళ్ళ ప్రేమను ఎలా గెలిపించుకున్నారు..? అలాగే గ్రామీణ ప్రాంతాలలో ఉన్న కులవివక్షత.. అమ్మాయిల పట్ల ప్రస్తుతం జరుగుతున్న సంఘటన నేపథ్యంలో శేఖర్ కమ్ముల ఈ సినిమాను తెరకెక్కించిన తీరు అధ్బుతమనే చెప్పాలి. సెప్టెంబర్ 24న ప్రేక్షకుల ముందుకు వచ్చిన ఈ సినిమా ఇప్పటికీ మంచి వసూళ్లను రాబడుతుంది. ఈ సినిమాను చూడటానికి ప్రేక్షకులు మొగ్గుచూపుతున్నారు. లవ్ స్టోరీ సినిమా కోసం ప్రేక్షకులు జై కొట్టారు. థియేటర్లలో చాలా రోజుల తర్వాత మళ్లీ సందడి నెలకొంది. చైతూ కెరీర్ బెస్ట్ నటనతో సినిమాకు ప్రధాన ఆకర్షణగా నిలిచాడు. సాయి పల్లవి డాన్స్తో ఎప్పటిలానే ఆకట్టుకుంది. మ్యూజికల్ గా కూడా సక్సెస్ను అందుకుంది ఈ సినిమా.
ఇదిలా ఉంటే ఇప్పుడు ఈ సినిమా ఓటీటీ లో స్ట్రీమింగ్ కానుందని వార్తలు వినిపిస్తున్నాయి. ప్రస్తుతం ఓటీటీల హవా నడుస్తున్న నేపథ్యంలో లవ్ స్టోరీ సినిమాకూడా త్వరలో ఓటీటీలో ప్రత్యక్షం కానుందని టాక్ వినిపిసితుంది. ప్రస్తుతం పండగల సీజన్ కావడంతో ఓ ప్రముఖ ఓటీటీ సంస్థలో ఈ సినిమా స్ట్రీమింగ్ కాబోతుందట. వారంలోనే దీనిపై అధికార ప్రకటన కూడా వచ్చే అవకాశం ఉందని అంటున్నారు.
మరిన్ని ఇక్కడ చదవండి :