Ori Devuda: ఓరి దేవుడా స్ట్రీమింగ్ అయ్యేది అక్కడేనా ?.. అప్పుడే ఓటీటీ పార్టనర్ ఫిక్స్ చేసుకున్న హిట్ మూవీ..
అక్టోబర్ 21న విడుదలైన ఓరి దేవుడా చిత్రం ఓటీటీ పార్టనర్ ఫిక్స్ అయినట్లుగా సమాచారం. విశ్వక్ సేన్ ప్రధాన పాత్రలో నటించిన ఈ మూవీ సూపర్ హిట్ తో దూసుకుపోతుంది.
డైరెక్టర్ అశ్వథ్ మారిముత్తు తెరకెక్కించిన ఓరి దేవుడా చిత్రం సూపర్ హిట్ అయిన సంగతి తెలిసిందే. యంగ్ అండ్ టాలెంటెడ్ హీరో విశ్వక్ సేన్, మిథిలా పాల్కర్ జంటగా నటించిన ఈ మూవీ దీపావళి కానుకగా అక్టోబర్ 21న విడుదలై.. అన్ని వర్గాల ప్రేక్షకులను మెప్పించింది. ఇందులో విక్టరి వెంకటేష్ , ఆశాభట్ కీలకపాత్రలలో కనిపించారు. నిన్న ఉదయం నుంచే ఓరి దేవుడా హిట్ టాక్ తో దూసుకుపోతుంది. అయితే ఈ మూవీ గురించి ఇంట్రెస్టింగ్ న్యూస్ ఫిల్మ్ సర్కిల్లో చక్కర్లు కొడుతుంది. అప్పుడే ఈ సినిమా ఓటీటీ పార్టనర్ ఫిక్స్ అయినట్లుగా తెలుస్తోంది. త్వరలోనే ఈ విషయం పై అధికారిక ప్రకటన రానుంది.
రొమాంటిక్ కామెడీ.. డ్రామా స్ట్రీమింగ్ హక్కులను ప్రముఖ ఓటీటీ ప్లాట్ ఫాం ఆహా సొంతం చేసుకున్నట్లుగా సమాచారం. దీనికి సంబంధించిన అధికారిక ప్రకటన రావాల్సి ఉంది. ఈ సినిమాను పీవీపీ సినిమా.. శ్రీ వెంకటేశ్వర క్రియేషన్స్ సంయుక్తంగా నిర్మించాయి.
చిన్ననాటి నుంచి స్నేహితులుగా పెరిగిన యువతీయువకుడు అనుకోని పరిస్థితుల్లో పెళ్లి చేసుకోవాల్సి రావడం.. ఆ తర్వాత వారిద్దరి జీవితాల్లో ఎదురైన పరిస్థితులు.. దీంతో విడాకులు తీసుకోవడానికి సిద్ధపడిపోతారు. అదే సమయంలో వారిమధ్య ఓ అపరిచిత వ్యక్తి ఎంటర్ కావడంతో వారి జీవితాలు ఎలాంటి మలుపులు తిరిగిందనేది ఓరి దేవుడా చిత్రం.