OTT Movie: భార్యతో బలవంతపు శృంగారం.. ఇవాళే ఓటీటీలోకి వచ్చేసిన వెబ్ సిరీస్.. తెలుగుతో సహా 12 భాషల్లోనూ..

OTT Movie

ఎప్పటిలాగే ఈ శుక్రవారం (మార్చి 20) సరికొత్త సినిమాలు, వెబ్ సిరీస్ లు స్ట్రీమింగ్ కు వచ్చాయి. తెలుగుతో పాటు కన్నడ, హిందీ, తమిళం, మలయాళం తదితర భాషలకు చెందిన సినిమాలు, సిరీస్ లు ఇప్పుడు ఓటీటీలో సందడి చేస్తున్నాయి. అయితే ఇందులో ఒక ఇంట్రెస్టింగ్ వెబ్ సిరీస్ కూడా ఉంది. మారిటల్ రేప్ అనే సున్నితమైన అంశాన్ని డిస్కస్ చేస్తూ ఈ సిరీస్ ను తెరకెక్కించారు. పెళ్లి అయినప్పటికీ భార్య అంగీకారం లేకుండా భర్త బలవంతపు శృంగారంలో పాల్గొంటే అది రేప్ కిందకే వస్తుందనే చర్చ ఎప్పటి నుంచో ఉంది. ఇప్పుడీ పాయింట్ ఆధారంగానే ఈ వెబ్ సిరీస్ ను ఓటీటీలోకి తీసుకొచ్చారు. అలాగనీ ఇది డాక్యుమెంటరీ లా ఉండదు. చాలా ఇంట్రెస్టింగ్ గా, ఎంగేజింగ్ స్క్రీన్ ప్లేతో సాగుతుంది. ఇందులో కమ్లేష్ ఓ ఇంటి పెద్ద కోడలు. ఆమెకు తన మరిది (భర్త తమ్ముడు) అరుణ్ అంటే మంచి అభిప్రాయం ఉంటుంది. అతను ఏ తప్పూ చేయడని గట్టిగా నమ్ముతుంది. దీంతో అరుణ్ కు పూజ అనే అమ్మాయిని ఇచ్చి పెళ్లి చేస్తారు. అయితే పెళ్లి తర్వాత అరుణ్ లోని రాక్షసుడు బయటకు వస్తాడు. పూజకు ఇష్టం లేకపోయినా బలవంతంగా అనుభవిస్తుంటాడు. అంతేకాదు భార్యను ఓ సైకోలా హింసిస్తుంటాడు. ఈ విషయంలో పూజ తల్లితో సహా ఎవరూ ఆమెకు హెల్ప్ చేయరు. సరి కదా.. భర్తతో సర్దుకుపోవాలని సలహా ఇస్తారు.

ఈ క్రమంలో అరుణ్ తో శృంగారం తప్పించుకోవడానికి పీరియడ్స్ వచ్చాయని చెప్పేందుకు తన ప్రైవేట్ పార్ట్స్ దగ్గర గాయం కూడా చేసుకుంటుంది పూజ. మరి కమ్లేష్ కు అరుణ్ గురించి తెలిసిందా? భర్త బారి నుంచి పూజ ఎలా బయటపడింది? అన్నది తెలుసుకోవాలంటే ఈ వెబ్ సిరీస్ చూడాల్సిందే.

జియో హాట్ స్టార్ లో స్ట్రీమింగ్..

గృహ హింస, మారిటల్ రేప్ వంటి సున్నితమైన అంశాలను స్పృశిస్తూ తెరకెక్కిన ఈవ వెబ్ సిరీస్ పేరు చిరాయ. ఈ శశాంత్ షా తెరకెక్కించిన ఈ సిరీస్ శుక్రవారం నుంచి జియో హాట్ స్టార్ లో స్ట్రీమింగ్ కు వచ్చింది. తెలుగుతో పాటు హిందీ, తమిళ్, కన్నడ, మలయాళం, బెంగాలీ, మరాఠీ, గుజరాతీ, హర్యాన్వి, రాజస్థానీ, భోజ్ పురి, ఒరియా భాషల్లో ఈ సిరీస్ స్ట్రీమింగ్ అవుతుండడం విశేషం. తెలుగు ఆడియన్స్ కూడా ఈ సిరీస్ ను మన భాషలో చూడొచ్చు.

తెలుగులోనూ స్ట్రీమింగ్..

మరిన్ని సినిమా వార్తల కోసం ఇక్కడ క్లిక్ చేయండి.