Intinti Ramayanam: అప్పుడే ఓటీటీలోకి వస్తోన్న ‘ఇంటింటి రామాయణం’.. ఆహాలో ఎప్పుడు స్ట్రీమింగ్ కానుందంటే..
తెలంగాణలోని ఓ మారుమూల గ్రామంలో మధ్య తరగతి కుటుంబానికి సంబంధించిన కథ. ఆ కుటుంబం అనుకోని సమస్యలో పడుతుంది. తమ కుటుంబానికి ముఖ్యమైన వస్తువు మిస్ అవుతుంది. దీంతో ఒకరిపై మరొకరికి అనుమానాలు పుట్టుకొస్తాయి. దీంతో వారిలో దాగున్న అసలు రూపాలన్నీ బయటకు రావడం జరుగుతుంది.
సూపర్ హిట్ సినిమాలు.. సస్పెన్స్ థ్రిల్లర్ వెబ్ సిరీస్.. గేమ్ షోస్.. టాక్ షోలతో తెలుగు ప్రేక్షకులను ఆకట్టుకుంటుంది ఓటీటీ మాధ్యమం ఆహా. అన్ని భాషలలో హిట్ చిత్రాలను తెలుగులోకి డబ్ చేసి మరీ ఆడియన్స్ ముందుకు తీసుకువస్తుంది. అంతేకాకుండా.. ఒరిజినల్ చిత్రాలను నిర్మిస్తూ ప్రేక్షకులను అలరిస్తోంది. ఇటీవల విడుదలైన సత్తిగాని రెండెకరాలు సినిమాకు మంచి రెస్పాన్స్ వచ్చిన సంగతి తెలిసిందే. ఇక ఇప్పుడు మరో సినిమాను స్ట్రీమింగ్ చేసేందుకు సిద్ధమయ్యింది. సీనియర్ నటుడు నరేష్, నవ్యస్వామి, గంగవ్వ, బిత్తిరి సత్తి, రాహుల్ రామకృష్ణ ప్రధాన పాత్రలలో నటించిన ఇంటింటి రామాయణం సినిమా ఓటీటీలో రిలీజ్ కానుంది. డైరెక్టర్ సురేష్ నారెడ్ల దర్శకత్వం వహించిన ఈ సినిమాను సితార ఎంటర్టైన్మెంట్స్ బ్యానర్ పై నిర్మాత నాగవంశీ నిర్మించారు. జూన్ 9న విడుదలైన ఈ సినిమా పర్వాలేదనిపించుకుంది. ఇక ఇప్పుడు ఆ సినిమా ఆహాలో జూన్ 23 నుంచి స్ట్రీమింగ్ కానుంది. ఈ విషయాన్ని ట్విట్టర్ వేదికగా తెలియజేశారు మేకర్స్.
కథ విషయానికి వస్తే.. తెలంగాణలోని ఓ మారుమూల గ్రామంలో మధ్య తరగతి కుటుంబానికి సంబంధించిన కథ. ఆ కుటుంబం అనుకోని సమస్యలో పడుతుంది. తమ కుటుంబానికి ముఖ్యమైన వస్తువు మిస్ అవుతుంది. దీంతో ఒకరిపై మరొకరికి అనుమానాలు పుట్టుకొస్తాయి. దీంతో వారిలో దాగున్న అసలు రూపాలన్నీ బయటకు రావడం జరుగుతుంది. అయితే ఆ కుటుంబం మొత్తం కలిసి ఆ సమస్య నుంచి బయటపడేందుకు వారంతా ఏం చేశారు అనేదానిపై కథ సాగుతుంది. ఈ సినిమాను పూర్తిగా తెలంగాణ విలేజ్ బ్యాక్ డ్రాప్ లో సాగే కథగా రూపొందించారు. ఈ చిత్రానికి కళ్యాణి మాలిక్ సంగీతం అందించారు.
జూన్ 9న థియేటర్లలో విడుదలైన ఈ ఫ్యామిలీ ఎంటర్టైనర్ మిశ్రమ స్పందన సొంతం చేసుకుంది. అయితే విడుదలైన వారం రోజులకే ఓటీటీ స్ట్రీమింగ్ కు రెడీ అయ్యింది. ఈ సినిమా తెలుగు ఓటీటీ మాధ్యమం ఆహాలో జూన్ 23 నుంచి స్ట్రీమింగ్ కానుంది.
ఇంటి దొంగను ఈశ్వరుడు అయిన పట్టలేడు… #IntintiRamayanamOnAHA మీరు చూడకుండా ఉండలేరు ?
Premieres June 23 ✌?@SitharaEnts @DirectorMaruthi @vamsi84 @IVYProductions9 @ItsActorNaresh @eyrahul @Sureshflms @Venkatupputuri @innamuri8888 #NavyaSwamy @GangavvaMilkuri #AnjiMama… pic.twitter.com/6SOA6LUi3j— ahavideoin (@ahavideoIN) June 15, 2023
మరిన్ని సినిమా వార్తల కోసం ఇక్కడ క్లిక్ చేయండి.