ఓటీటీ ప్లాట్ ఫామ్స్లో హారర్ కామెడీ మూవీస్ చూసేందుకు సినీ ప్రియులు తెగ ఇంట్రెస్ట్ చూపిస్తున్న సంగతి తెలిసిందే. కొన్నిరోజులుగా ప్రేక్షకులను ఆకట్టుకునేందుకు విభిన్నమైన కంటెంట్ చిత్రాలను తీసుకువస్తున్నారు మేకర్స్. తాజాగా థియేటర్లలో సూపర్ హిట్ అయిన హారర్ కామెడీ చిత్రాన్ని ఇప్పుడు ఓటీటీ మూవీ లవర్స్ ముందుకు తీసుకువచ్చారు. ఎలాంటి అంచనాలు లేకుండా తక్కువ బడ్జె్ట్తో రూపొందించిన చిత్రం ముంజ్యా. బాక్సాఫీస్ వద్ద భారీ విజయాన్ని అందుకున్న ఈ సినిమా మంచి వసూళ్లు రాబట్టింది. జూన్ 7న థియేటర్లలో విడుదలైన ఈ మూవీ రూ.130 కోట్లకు పైగా కలెక్షన్స్ రాబట్టింది. ఈ చిత్రంలో శార్వరీ వాఘ్, అజయ్ వర్మ ప్రధాన పాత్రలలో నటించగా.. మొదటి షో నుంచే ఈ చిత్రానికి పాజిటివ్ రెస్పాన్స్ వచ్చింది. థియేటర్లలో మంచి టాక్ సొంతం చేసుకున్న ఈమూవీ ఇప్పుడు ఆకస్మాత్తుగా ఓటీటీలోకి వచ్చేసింది.
ప్రస్తుతం ముంజ్యా చిత్రం ప్రముఖ ఓటీటీ ప్లాట్ ఫామ్ డిస్నీ ప్లస్ హాట్ స్టార్ లో స్ట్రీమింగ్ అవుతుంది. హిందీలో విడుదలైన ఈ చిత్రాన్ని ముందుగా ఎలాంటి ప్రకటనలు లేకుండా సడెన్ గా స్ట్రీమింగ్ కు తీసుకువచ్చింది హాట్ స్టార్. థియేటర్లలో విడుదలైన 11 వారాల తర్వాత ఈ చిత్రం ఓటీటీలోకి వచ్చింది. అయితే ఇప్పుడు ఈ సినిమా హిందీలో మాత్రమే అందుబాటులో ఉంది. మరి మిగతా భాషలలో స్ట్రీమింగ్ అవుతుందా లేదా అనేది చూడాలి. ఈ చిత్రానికి ఆదిత్య సర్పోట్దార్ దర్శకత్వం వహించారు.
హరర్ ఎలిమెంట్లతోపాటు కడుపుబ్బా నవ్వించే కామెడీ సన్నివేశాలతో ఈ చిత్రాన్ని రూపొందించారు. అటు భయపెట్టించే సీన్స్.. ఇటు నవ్వించే కామెడీతో ఈ చిత్రానికి పాజిటివ్ రివ్యూస్ రావడంతో బాక్సాఫీస్ వద్ద మంచి కలెక్షన్స్ రాబట్టింది. ఈ చిత్రంలో శార్వరి, అభయ్ వర్మతోపాటు సత్యరాజ్, మోనా సింగ్, సుహాస్ జోషి, తరణ్ జ్యోతి సింగ్, అజయ్ పుర్కర్, ఆయుష్ కీలకపాత్రలు పోషించారు. ప్రస్తుతం ఈ మూవీ హాట్ స్టార్ ఓటీటీలో స్ట్రీమింగ్ అవుతుంది.
మరిన్ని సినిమా వార్తల కోసం ఇక్కడ క్లిక్ చేయండి.