Nayanthara: ఓటీటీలోకి వచ్చేస్తోన్న నయనతార హారర్ థ్రిల్లర్.. కనెక్ట్ స్ట్రీమింగ్ ఎక్కడంటే..

లేడీ సూపర్ స్టార్ నయనతార ప్రధాన పాత్రలో నటించిన హారర్ థ్రిల్లర్ కనెక్ట్. గతంలో నయనతార నాయికగా “మయూరి”, తాప్సీ హీరోయిన్ గా “గేమ్ ఓవర్” చిత్రాన్ని తెరకెక్కించి ఘన విజయాలు అందుకున్న డైరెక్టర్ అశ్విన్ శరవణన్ రూపొందించారు. ఈ సినిమాను ఈ నెల 22న యూవీ క్రియేషన్స్ తెలుగులో గ్రాండ్ గా విడుదల చేసింది. మొదటి రోజు నుంచే ఈ సినిమా పాజిటివ్ టాక్ తెచ్చుకుంది. ఇక మరోసారి తన నటనతో ప్రశంసలు అందుకుంది నయన్. ఈ సినిమాను నయన్ భర్త విఘ్నేష్ శివన్ నిర్మించారు. ఇక విడుదలైన రెండో రోజే ఈ మూవీ ఓటీటీ పార్టనర్ ఫిక్స్ చేసుకుంది.

ప్రముఖ ఓటీటీ మాధ్యమం నెట్ ఫ్లిక్స్ ఈ సినిమా స్ట్రీమింగ్ హక్కులను సొంతం చేసుకున్నట్లు సమాచారం. ఇక థియేట్రికల్ రన్ కంప్లీట్ అయిన తర్వాత ఈ సినిమాను ఓటీటీలో రిలీజ్ చేయనున్నారట. ప్రస్తుతం వెండితెరపై మంచి టాక్, కలెక్షన్స్ తో దూసుకెళ్తున్న ఈ చిత్రం అటు ఓటీటీలోనూ సత్తా చాటుతుందో లేదో చూడాలి.

ఇక ఈ సినిమా కోసం నయన్ స్వయంగా ప్రమోషన్లలో పాల్గొన్నారు. దాదాపు 10 సంవత్సరాల తర్వాత నయన్ ఇంటర్వ్యూ ఇచ్చారు. ఈ సందర్భంగా ఆమె మాట్లాడుతూ.. ఇన్నాళ్లు చిత్ర ప్రచార కార్యక్రమాలకు దూరంగా ఉండటానికి గల కారణాన్ని చెప్పుకొచ్చారు. హీరోయిన్లకు ప్రాధాన్యత ఇవ్వరని…. ఓ మూలన నిల్చోబెడతారని అన్నారు. ఇక చాలా కాలం తర్వాత నయన్ సినిమా ప్రమోషన్లలో పాల్గొనడంతో ఫుల్ ఖుషి అవుతున్నారు ఫ్యాన్స్.