Maharaj OTT: ఓటీటీలోకి వచ్చేసిన ఆమిర్ ఖాన్ కుమారుడి ఫస్ట్ మూవీ.. తెలుగులోనూ స్ట్రీమింగ్.. ఎందులోనంటే?

Maharaj Movie

బాలీవుడ్ మిస్టర్ పర్పెక్షనిస్ట్ ఆమిర్ ఖాన్ తనయుడు జునైద్ ఖాన్ నటించిన మొదటి సినిమా ‘మహారాజ్’. అయితే రిలీజ్ కు ముందే ఈ సినిమా చాలా సమస్యలను ఎదుర్కొంది. ఈ సినిమా విడుదల చేయకూడదని చాలా మంది ఆందోళనలు, నిరసనలు నిర్వహించారు. అలాగే ఈ సినిమా విడుదలపై కూడా కోర్టు నిలుపుదల ఉత్తర్వులు జారీ చేసింది. దీంతో జునైద్ సినిమా విడుదల వాయిదా పడింది. అయితే ఇప్పుడు ‘మహారాజ్’ సినిమాను విడుదల చేయవచ్చని గుజరాత్ హైకోర్టు ఆదేశించింది . నిషేధం ఎత్తివేయబడిన వెంటనే, నెట్‌ఫ్లిక్స్ OTT ద్వారా సినిమాను విడుదల చేశారు మేకర్స్. బాలీవుడ్‌లోని ప్రతిష్టాత్మక నిర్మాణ సంస్థ ‘యష్ రాజ్ ఫిల్మ్స్’ సంస్థ ‘మహారాజ్’ చిత్రాన్ని నిర్మిస్తోంది. జునైద్ ఖాన్‌కి ఇది మొదటి సినిమా. ఈ సినిమాలో ‘పాతాల్ లోక్’ ఫేమ్ జైదీప్ అహ్లావత్ కూడా కీలక పాత్రలో నటించారు. కాగా హిందువుల మనోభావాలను దెబ్బతీసే అంశాలు మహారాజ్ సినిమాలో ఉన్నాయని కొందరు కేసు పెట్టారు.

సౌరభ్ షా రచించిన ‘మహారాజ్’ పుస్తకం ఆధారంగా ఈ సినిమా తెరకెక్కుతోంది. ఈ పుస్తకం 2013 నుంచి మార్కెట్ లో అందుబాటులో ఉంది. ఈ పుస్తకంతో ఎలాంటి గొడవలు లేవు. లా అండ్ ఆర్డర్ దెబ్బతినదు. ఆ తర్వాత నిర్మాత తరపు న్యాయవాది వాదిస్తూ.. ‘మహారాజ్’ సినిమా వల్ల ఎలాంటి గొడవలు జరగవన్నారు. వాదనలు విన్న న్యాయస్థానం ఈ మేరకు సినిమా విడుదల చేసుకోవచ్చంటూ ఆదేశాలు జారీ చేసింది. కాగా ‘మహారాజ్’ సినిమా చూడాల్సిందిగా నిర్మాత జడ్జిని అభ్యర్థించారు. ఈ పిటిషన్‌కు అంగీకరించిన న్యాయమూర్తి.. హిందువుల మనోభావాలను దెబ్బతీసే అంశాలు ఇందులో లేవని సినిమా చూసిన తర్వాత చెప్పారు. కోర్టు తీర్పు తర్వాత నెట్‌ఫ్లిక్స్ ఈ చిత్రాన్ని విడుదల చేసింది. అయితే ఓటీటీలో ఈ సినిమాకు మిక్స్ డ్ టాక్ వస్తోంది. హిందీతో పాటు తెలుగు తదితర దక్షిణాది భాషల్లోనూ మహారాజ్ సినిమా స్ట్రీమింగ్ కు అందుబాటులో ఉంది.

నెట్ ఫ్లిక్స్ లో స్ట్రీమింగ్..

తెలుగులోనూ అందుబాటులోకి..

మరిన్ని సినిమా వార్తల కోసం ఇక్కడ క్లిక్ చేయండి.