Tollywood : నీలాంబరి పాత్రను నేను చేయాల్సింది. కానీ ఆ కారణంతో మిస్ చేసుకున్నా.. టాలీవుడ్ హీరోయిన్ కామెంట్స్..

Ramya Krishna

ప్రముఖ దక్షిణాది హీరోయిన్ మీనా తన కెరీర్‌లో కొన్ని కీలకమైన పాత్రలను, చిత్రాలను కోల్పోయిన సంఘటనల గురించి ఇటీవల ఒక ఇంటర్వ్యూలో పంచుకున్నారు. రజినీకాంత్, రమ్యకృష్ణ, సౌందర్య ప్రధాన పాత్రల్లో వచ్చిన బ్లాక్‌బస్టర్ చిత్రం నరసింహ (తమిళంలో పడయప్ప) లో రమ్యకృష్ణ పోషించిన ఐకానిక్ నీలాంబరి పాత్రను తాను ఎందుకు వదులుకోవాల్సి వచ్చిందో ఆమె వివరించారు. మీనా మాట్లాడుతూ, నీలాంబరి వంటి శక్తివంతమైన, ప్రతికూల పాత్రను కోల్పోయినందుకు తాను చాలా బాధపడ్డానని తెలిపారు. ఈ పాత్రకు తన తల్లి వ్యతిరేకంగా ఉన్నారని ఆమె పేర్కొన్నారు. “ఆ సమయంలో నేను చాలా హోమ్లీ ఇమేజ్ ఉన్న నటిని. రజినీకాంత్‌తో నేను చాలా సినిమాలు చేశాను. తమిళనాడులో రజినీకాంత్ – మీనా ఒక హిట్ కాంబినేషన్. అలాంటి సమయంలో, నా తల్లి ఈ పాత్ర నాకు సరిపోదని చెప్పారు,” అని మీనా గుర్తు చేసుకున్నారు. అమ్మ అభిప్రాయాన్ని డైరెక్టర్, హీరో కూడా ఆలోచించారని, తర్వాత తనను సౌందర్య పోషించిన పాత్రను చేయమని అడిగారని, కానీ తాను నీలాంబరి పాత్రే చేస్తాను లేదా చేయను అని చెప్పి ఆ అవకాశాన్ని వదులుకున్నానని తెలిపారు.

ఎక్కువ మంది చదివినవి : Cinema OTT: రహస్య బావిలో మహిళ అరుపులు.. భయంతో వణికిపోవాల్సిందే.. ఓటీటీని ఊపేస్తున్న హారర్ థ్రిల్లర్..

ఈ పాత్ర రమ్యకృష్ణకు ఒక ల్యాండ్‌మార్క్ పాత్రగా నిలిచిందని మీనా అంగీకరించారు. రమ్యకృష్ణ నటన అద్భుతమని, ఆరోగెంట్ స్వభావాన్ని ఆమె చాలా బాగా ప్రదర్శించిందని ప్రశంసించారు. నీలాంబరి పాత్ర బాహుబలి చిత్రంలో రాజమాత శివగామి పాత్రకు రమ్యకృష్ణను ఎంపిక చేయడానికి ఒక పునాది వేసిందని మీనా అభిప్రాయపడ్డారు. “బాహుబలి చూసిన తర్వాత నేను వెంటనే రమ్యకృష్ణకు ఫోన్ చేసి, రాజమాతా ఎక్కడ ఉన్నారు? అని అడిగాను,” అంటూ ఆ పాత్ర పట్ల తనకున్న అభిమానాన్ని చాటుకున్నారు. ఒకవేళ తాను నీలాంబరి పాత్రను చేసి ఉంటే, ఆ పాత్ర అంత కఠినంగా ఉండేది కాదని, ముగింపులో కొంత సానుకూల మార్పు ఉండేదని డైరెక్టర్ చెప్పినట్లు మీనా వివరించారు.

ఎక్కువ మంది చదివినవి : Sowcar Janaki: షావుకారు జానకి మనవరాలు తెలుగులో పెద్ద హీరోయిన్.. చాలా ఫేమస్.. ఎవరో

నీలాంబరి పాత్రతో పాటు, కమల్ హాసన్‌తో చేయాల్సిన దేవర్ మగన్ (తెలుగులో దేవర మగాడు ) చిత్రాన్ని కూడా తాను కోల్పోయానని మీనా పంచుకున్నారు. ఈ సినిమా షూటింగ్‌కు రెండుసార్లు వెళ్లినా, అది కార్యరూపం దాల్చలేదని ఆమె తెలిపారు. మొదటిసారి కమల్ హాసన్ తన గెటప్‌తో (మీసాలు సరిగ్గా రాలేదని) సంతృప్తి చెందకపోవడంతో షూటింగ్ క్యాన్సిల్ అయిందని, రెండోసారి డైరెక్టర్, టీమ్ మధ్య మిస్‌అండర్‌స్టాండింగ్ కారణంగా షూటింగ్ ఆగిపోయిందని ఆమె చెప్పారు. మూడోసారి అడిగినప్పుడు డేట్స్ సర్దుబాటు చేయలేకపోవడంతో ఆ సినిమాను పూర్తిగా కోల్పోయినట్లు మీనా వివరించారు. సుందరకాండ సినిమా షూటింగ్ సమయంలో వెంకటేష్ గారు కమల్ హాసన్ తో సినిమా చేస్తున్నానని చెప్పినప్పుడు చాలా సంతోషించారని ఆమె గుర్తు చేసుకున్నారు.

ఎక్కువ మంది చదివినవి : Bigg Boss 10 Telugu : బిగ్‏బాస్‏లోకి ఈశ్వర సాయి, మాధురి రాథోడ్.. ఆది రెడ్డి చెప్పిందే నిజమవుతుందా.. ?

రమ్యకృష్ణ, మీనా ..

Ramya Krishna, Meena

ఎక్కువ మంది చదివినవి : Tollywood : ఆ హీరో మాములోడు కాదు.. నెంబర్ వన్ ఫ్రాడ్.. సీనియర్ నటుడు సురేష్..