మళ్ళీ మొదలైన అల్లు అర్జున్ ‘పుష్ప’ షూటింగ్.. హైదరాబాద్‏లో పలు సన్నివేశాల చిత్రీకరణ..

టాలీవుడ్ టాప్ హీరో స్టైలీష్ స్టార్ అల్లు అర్జున్ మెయిన్ రోల్‏లో తెరకెక్కుతున్న సినిమా పుష్ప. తాజాగా ఈ చిత్రానికి సంబంధించిన చిత్రీకరణ బుధవారం హైదరాబాద్‏లో ప్రారంభమైంది. నగరంలోని బర్కత్ పురాలోని ఓ కళ్యాణ మండపంలో ఈ సినిమా సంబంధించిన ఫైట్ సీన్స్‏ను చిత్రీకరించారు దర్శకుడు సుకుమార్. ఈ సినిమాను మైత్రి మూవీ మేకర్స్ అధినేతలు నవీన్ యుర్నేని, రవిశంకర్ వై నిర్మిస్తున్నారు. కొన్ని రోజుల క్రితం మారేడుపల్లి ఏజెన్సీ ప్రాంతంలో ఈ సినిమాకు సంబంధించిన కొన్ని సన్నివేశాలను చిత్రీకరించారు. ఈ మూవీలో రామ్ లక్ష్మణ్ పీటర్ హెయిన్స్ సారథ్యంలో రెండు యాక్షన్ ఎపిసోడ్స్, ఓ సాంగ్ షూటింగ్ పూర్తైంది. తర్వాత కొవిడ్ నేపథ్యంలో ఈ చిత్ర షూటింగ్‏కు బ్రేక్ పడింది. తాజాగా మళ్ళీ ఈ షూటింగ్ ప్రారంభమైంది. డిసెంబర్ చివరి వరకు ఇక్కడ సినిమా చిత్రీకరణ పూర్తిచేసి ఆ తర్వాత వచ్చే ఏడాది జనవరిలో మారేడుపల్లిలో షూటింగ్ జరగనున్నట్లు చిత్రనిర్మాతలు తెలిపారు. కాగా సుకుమార్ దర్శకత్వంలో ఈ సినిమా రాబోతుండగా.. అల్లు అర్జున్ సరసన రష్మిక మందన్న హీరోయిన్‏గా నటిస్తున్నారు. గతేడాది విడుదలై అల వైకుంఠపురం సినిమా బాక్సాఫీసులలో కాసుల వర్షం కురింపించిన సంగతి తెలిసిందే. తాజాగా బన్నీ నటిస్తున్న పుష్ప సినిమా పై అభిమానులకు భారీగానే అంచనాలు ఉన్నాయి.