Tollywood : శ్రీహారి జోడిగా మీనా.. ఆ సినిమా రిలీజ్ కావడానికి 8 ఏళ్లు పట్టింది.. కారణం చెప్పిన డైరెక్టర్..
తెలుగు చిత్ర పరిశ్రమలో హీరోగా, నటుడిగా, ప్రతినాయకుడిగా ఎన్నో వైవిధ్యమైన పాత్రలు పోషించి తనకంటూ ప్రత్యేక ఇమేజ్ క్రియేట్ చేసుకున్నాడు దివంగత నటుడు శ్రీహరి. అయితే ఆయన హీరోగా.. మీనా కథానాయికగా నటించిన ఓ సినిమా విడుదల కావడానికి దాదాపు 8 ఏళ్లు పట్టింది. ఇందుకు గల కారణాలను తాజాగా డైరెక్టర్ దేవి ప్రసాద్ వెల్లించారు. అసలేం జరిగిందంటే.
తెలుగు సినీ పరిశ్రమలో సుదీర్ఘ అనుభవం కలిగిన దర్శకుడు దేవి ప్రసాద్, తన కెరీర్‌లో ఎన్నో మధుర జ్ఞాపకాలు, కొన్ని చేదు అనుభవాలను కూడగట్టుకున్నారు. ఓ ప్రత్యేక ఇంటర్వ్యూలో, ఆయన దర్శకుడిగా, అసిస్టెంట్ డైరెక్టర్‌గా తన ప్రయాణాన్ని, ముఖ్యంగా శ్రీహరి హీరోగా తెరకెక్కాల్సిన దాసు సినిమా విడుదల ఎందుకు ఎనిమిదేళ్లు ఆలస్యమైందో వివరించారు. దేవి ప్రసాద్ తన చిన్నతనం నుంచే సూపర్ స్టార్ కృష్ణకు వీరాభిమానిని అని తెలిపారు. సత్తెనపల్లిలో పాఠశాల విద్యార్థిగా ఉన్నప్పుడు కృష్ణ బొమ్మలు గీసి థియేటర్లలో పెట్టేవారట. ఆ తర్వాత గురువుగారి దర్శకత్వంలో దొంగోడొచ్చాడు సినిమాకు అసిస్టెంట్ డైరెక్టర్‌గా పనిచేసే అవకాశం రావడంతో కృష్ణగారిని దగ్గరగా చూసే అవకాశం దక్కింది. గూఢచారి 117 షూటింగ్ సమయంలో కృష్ణగారికి తాను పెద్ద ఫ్యాన్ అని చెప్పినప్పుడు, కృష్ణగారు ఊరికి మొనగాడు సినిమాలోని తెల్ల చీర పాటను కేవలం ఒక్క రాత్రిలోనే షూట్ చేశామని చెప్పడం తనను ఆశ్చర్యపరిచిందని గుర్తుచేసుకున్నారు. అప్పట్లో మూడు రోజుల్లో రెండు పాటలు షూట్ చేసేవారని ఆయన అన్నారు.
ఎక్కువ మంది చదివినవి : Balakrishna: బాలకృష్ణకు లవర్‌గా, భార్యగా, బామ్మగా నటించిన ఏకైక హీరోయిన్.. ఇప్పటికీ తగ్గని క్రేజ్..
దర్శకుడిగా దేవి ప్రసాద్‌కు తొలి అవకాశం శ్రీహరి హీరోగా దక్కింది. వీరిద్దరి కలయికలో రూపొందాల్సిన సినిమా పేరు దాసు. అయితే, ఈ సినిమా షూటింగ్ మధ్యలోనే ఆగిపోయింది. దీనికి కారణం నిర్మాత జయకృష్ణ, హీరో శ్రీహరి మధ్య తలెత్తిన ఒక “ఈగో క్లాష్” అని దేవి ప్రసాద్ వివరించారు. అప్పట్లో శ్రీహరి నటించిన మరో చిత్రం విడుదలకు సిద్ధంగా ఉండగా, నిర్మాత జయకృష్ణ రూపొందించిన డబ్బింగ్ సినిమాకు థియేటర్ల విషయంలో వివాదం తలెత్తిందని ఆయన తెలిపారు. ఈ ఇద్దరు మహానుభావుల మధ్య మాటలు ఆగిపోవడంతో, దాసు చిత్రం మధ్యలో నిలిచిపోయింది. చివరి షెడ్యూల్ కోసం రఘువరన్, మీనా వంటి నటుల డేట్లు అందుబాటులో ఉన్నా, శ్రీహరి “నిర్మాత నాతో మాట్లాడితేనే నేను షూటింగ్‌కు వస్తాను” అని చెప్పారట. ఈ విషయం నిర్మాతకు చేరడంతో, ఆయన అసలు సినిమానే వద్దు అని ఆపేసినట్లు దేవి ప్రసాద్ వెల్లడించారు. తాను శ్రీహరితో మాట్లాడి, ఆయన షూటింగ్‌కు వస్తానని హామీ ఇచ్చినప్పటికీ, అప్పటికే నిర్మాత నిర్ణయం తీసుకోవడంతో సినిమా నిలిచిపోయింది.
ఎక్కువ మంది చదివినవి : ముఠా మేస్త్రీ షూటింగ్ 3 నెలలు ఆగిపోయింది.. అప్పుడు చిరంజీవి చెప్పిన మాటకు ఆశ్చర్యపోయా.. బాబూ మోహన్..
ఈ సంఘటన వల్ల దాసు చిత్రం పూర్తిగా అసంపూర్ణంగా మిగిలిపోయింది. చివరికి, ఎనిమిదేళ్ల తర్వాత, అప్పటికి చిత్రీకరించిన భాగాలను కలిపి విడుదల చేశారు. కానీ, ఒక సినిమాకు అవసరమైన కీలక సన్నివేశాలు లేకుండా విడుదల కావడం వల్ల అది ప్రేక్షకులకు చేరువ కాలేకపోయిందని దేవి ప్రసాద్ విచారం వ్యక్తం చేశారు. ఆ తర్వాత శ్రీహరి, జయకృష్ణ ఇద్దరూ మళ్లీ కలిసిపోయి, తన గురించి ఎంతో గొప్పగా మాట్లాడారని, తనను అనవసరంగా ఇబ్బంది పెట్టామని చెప్పారని ఆయన గుర్తు చేసుకున్నారు. ఈ సంఘటన తన కెరీర్‌లో ఒక పజిల్‌గా మిగిలిందని దేవి ప్రసాద్ పేర్కొన్నారు.
ఎక్కువ మంది చదివినవి : Cinema : గరివిడి లక్ష్మి పాత్రను మిస్ చేసుకున్న మరో హీరోయిన్.. నిత్యా మీనన్తోపాటు ఆ క్రేజీ బ్యూటీ కూడా..
ఎక్కువ మంది చదివినవి : Idupu Kayitham: ఇడుపు కాయితం నుంచి గడప సాంగ్ రిలీజ్.. ప్రతి అమ్మాయి హృదయాలను హత్తుకునే పాట..