Pathaan teaser: షారుఖ్ బర్త్ డే స్పెషల్ సర్‏ప్రైజ్.. పఠాన్ టీజర్ అదుర్స్..

Sharukh Khan

బాలీవుడ్ బాద్ షా.. షారుఖ్ ఖాన్ పుట్టిన రోజు సందడి మొదలైంది. నవంబర్ 2న బాద్ షా బర్త్ డే కావడంతో బీటౌన్‏లో సెలబ్రెషన్స్ షూరు అయ్యాయి. ఈ క్రమంలోనే తాజాగా షారుఖ్ నెక్ట్స్ మూవీ పఠాన్ టీజర్ రిలీజ్ చేసింది చిత్రయూనిట్. అయితే ఎలాంటి అప్డేట్ లేకుండానే.. ఆకస్మాత్తుగా టీజర్ రిలీజ్ చేసి ఫ్యాన్స్‏కు స్పెషల్ ట్రీట్ ఇచ్చారు మేకర్స్. ఈ మూవీ టీజర్‏ను షారుఖ్ తన ఇన్ స్టా ఖాతాలో షేర్ చేయగా.. నెట్టింట దుమారం రేపుతోంది. ఇక తాజాగా విడుదలైన టీజర్ చూస్తే.. ఈసారి అభిమానులకు ఫుల్ యాక్షన్ మీల్స్ అందించనున్నట్లు తెలుస్తోంది. దీంతో ఈసారి షారుఖ్ బ్లాక్ బస్టర్ హిట్ అందుకోవడం ఖాయమంటున్నారు ఫ్యాన్స్.

ఇందులో షారుఖ్ ఒక గూఢచారి పాత్రలో కనిపించనున్నారు. ఓ ప్రమాదకరమైన మిషన్ లో పాల్గోన్న షారుఖ్ చనిపోయాడని అంతా అనుకుంటారు. ఆ తర్వాత సరికొక్త లుక్‏లో తిరిగి జాన్ అబ్రహంతో ఢీకొట్టేందుకు సిద్ధమయ్యాడు. ప్రస్తుతం ఈ మూవీ టీజర్ సోషల్ మీడియాలో దూసుకుపోతుంది. ఈ సినిమాను వచ్చే ఏడాది జనవరి 25 హిందీలోనే కాకుండా తమిళం, తెలుగులో విడుదల కానుంది.

డైరెక్టర్ సిద్ధార్థ్ ఆనంద్ తెరకెక్కిస్తున్న ఈ మూవీలో దీపికా పదుకొణె, జాన్ అబ్రహం కీలకపాత్రలలో నటిస్తున్నారు. చాలా కాలం తర్వాత ఫుల్ యాక్షన్ స్వింగ్‏లో షారుఖ్ రాబోతుండడంతో మూవీపై అంచనాలు భారీగానే ఉన్నాయి.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.