Vikrant Massey: కెరీర్ పీక్స్‌లో ఉండగానే నటనకు గుడ్ బై.. 12th ఫెయిల్ హీరో ఆస్తుల వివరాలివే

Vikrant Massey

బాలీవుడ్ నటుడు విక్రాంత్ మాస్సే నటనకు రిటైర్మెంట్ ప్రకటించి అందరికీ షాక్ ఇచ్చాడు. 2025లో విడుదల కానున్న తన రెండు సినిమాలు తన చివరి సినిమాలని, ఆ తర్వాత విరామం తీసుకుంటానన్నాడు విక్రాంత్. వెర్సటైల్ యాక్టర్ గా ఫుల్ క్రేజ్, చేతి నిండా సినిమాలు ఉన్న సమయంలోనే ఇలా నటనకు గుడ్ బై చెబుతూ విక్రాంత్ తీసుకున్న నిర్ణయం వెనక కారణాలను విశ్లేషిస్తున్నారు చాలా మంది. అదే సమయంలో అతని జీవన శైలి, ఆస్తుల వివరాలను ఆరా తీస్తున్నారు. విక్రాంత్ తన నట జీవితాన్ని బుల్లితెరతో ప్రారంభించాడు. ఆ తరువాత బాలీవుడ్, ఓటీటీల్లో తనకంటూ ఒక గుర్తింపు తెచ్చుకున్నాడు. ప్రస్తుతం విక్రాంత్ సినిమా ‘ది సబర్మతి రిపోర్ట్’ దేశవ్యాప్తంగా చర్చనీయాంశమైంది. ప్రధాన మంత్రి నరేంద్ర మోడీ సైతం ఈ సినిమాను చూసి ప్రశంసలు కురిపించారు. ఇదే కాదు ఇప్పటివరకు విక్రాంత్ నటించిన సినిమాలన్నీ విమర్శకుల ప్రశంసలు అందుకున్నవే.

కాగా 37 ఏళ్ల విక్రాంత్ ఇప్పటివరకు తన కెరీర్‌లో కీర్తితో పాటు కోట్లాది ఆస్తులను సంపాదించాడు. ఈ టైమ్స్ ప్రకారం, విక్రాంత్ ఆస్తుల నికర విలువ రూ.20 కోట్ల నుంచి రూ.26 కోట్ల వరకు ఉండొచ్చని తెలుస్తోంది. విక్రాంత్ ఒక్కో సినిమాకు కోటి నుంచి రూ.2 కోట్లు పారితోషికం తీసుకుంటున్నాడు. తన సంపాదనలో ఎక్కువ భాగం సినిమాలు, వెబ్ సిరీస్ లతో పాటు బ్రాండ్ ఎండార్స్‌మెంట్‌లు సోషల్ మీడియా హ్యాండిల్స్ నుంచి వచ్చిందే. ఇక 2020లో, విక్రాంత్ ముంబైలో సముద్రానికి ఎదురుగా ఉన్న విలాసవంతమైన ఇంటిని కూడా కొనుగోలు చేశాడు. అతను తన భార్య శీతల్ ఠాకూర్, కుమారుడు వరదన్‌తో కలిసి ఇక్కడ నివసిస్తున్నాడు.

భార్య, కుమారుడితో విక్రాంత్ మాస్సే..

గ్యారేజ్ లో లగ్జరీ కార్లు..

విక్రాంత్‌కి కార్ల సేకరణ అంటే చాలా ఇష్టం. రూ. 1.16 కోట్ల విలువైన మెర్సిడెస్ బెంజ్ జిఎల్‌ఎస్, రూ. 60 లక్షల విలువైన వోల్వో ఎస్90, మారుతి స్విఫ్ట్ డిజైర్ వంటి అనేక లగ్జరీ కార్లు అతని గ్యారేజ్ లో ఉన్నాయి. ఇవి కాకుండా 12 లక్షల రూపాయల విలువైన డుకాటి మాన్‌స్టర్ మోటార్‌ బైక్ , రూ. 12.35 లక్షల ధర కలిగిన ట్రయంఫ్ బోన్నెవిల్లే బాబర్ బైక్ కూడా విక్రాంత్ దగ్గర ఉన్నాయి. మొత్తానికి విక్రాంత్ విలాసవంతమైన జీవితాన్ని గడుపుతున్నాడని అర్థమవుతోంది.

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి..