Anasuya: అనసూయ పేరును కూడా అనుకోలేదట..!

ఇక పలు సినిమాల్లో స్పెషల్ సాంగ్స్ తో మెరిసి తన అందంతో కట్టిపడేసింది. 

బుల్లితెరపైన తన యాంకరింగ్‌తో దూసుకుపోతోన్న హాట్ యాంకర్ అనసూయకు మరో బంపరాఫర్ వచ్చినట్లు ఇటీవల వార్తలు గుప్పుమంటున్నాయి. నితిన్ హీరోగా మేర్లపాక గాంధీ అందాదూన్‌ను తెలుగులో రీమేక్‌ చేస్తుండగా.. అందులో ఓ కీలక పాత్ర కోసం అనూయను అనుకున్నట్లు పుకార్లు వినిపిస్తున్నాయి. మాతృకలో టబు నటించిన విలన్‌ పాత్రను తెలుగులో అనసూయ చేయబోతున్నట్లు టాక్ నడిచింది. ఈ రీమేక్‌లో నటించేందుకు టబు భారీ రెమ్యునరేషన్ డిమాండ్ చేయడంతో.. ఆమె స్థానంలో అనసూయను సంప్రదించారని, ఇక ఇందులో నటించేందుకు ఈ హాట్ యాంకర్ ఓకే చెప్పిందని గాసిప్‌లు వినిపించాయి. ఇదివరకు క్షణం మూవీలో అనసూయ విలన్‌ పాత్రలో నటించగా.. మరోసారి అదే పాత్రలో మెరవనుందని పుకారు షికారు చేసింది.

అయితే మూవీ యూనిట్ వర్గాల సమాచారం ప్రకారం అసలు ఈ రీమేక్‌ కోసం అనసూయను సంప్రదించలేదట. హిందీలో నటించిన టబునే ఇందులో కూడా నటింపజేయాలని దర్శకుడు భావించారట. ఈ క్రమంలో ఆమెతో సంప్రదింపులు జరపడం.. తన పాత్రలో మరోసారి నటించేందుకు టబు ఆసక్తిని చూపడం రెండూ జరిగిపోయాయని టాక్. వారి సమాచారం ప్రకారం.. ఈ మూవీ కోసం అనసూయ పేరును కూడా అనుకోలేదని తెలుస్తోంది. టబు పాత్ర కోసం ముందు నుంచే ఆమెనే అనుకున్నారని, మిగిలిన ఎవరినీ ఆ పాత్రలో ఊహించుకోలేదని సమాచారం. ఇక దీనిపై త్వరలోనే అధికారిక ప్రకటన రానుందని తెలుస్తోంది. కాగా ఇటీవలే పూజా కార్యక్రమాలను పూర్తి చేసుకున్న ఈ చిత్రం త్వరలో సెట్స్ మీదకు వెళ్లనుంది.