త్వరలో అడవి శేష్ ‘మేజర్’ ఫస్ట్ లుక్ పోస్టర్.. విడుదల డేట్‏ను ప్రకటించిన చిత్రయూనిట్..

థ్రిలర్ అండ్ సస్పెన్స్ సినిమాలలో నటిస్తూ తనకంటూ ప్రత్యేకమైన గుర్తింపు తెచ్చుకున్న హీరో అడవి శేష్ నటిస్తున్న కొత్త సినిమా ‘మేజర్’. గూఢచారి ఫేమ్ శశి కిరణ్ తిక్కా ఈ చిత్రాన్ని తెరకెక్కిస్తున్నాడు. 26/11 ముంబై టెర్రర్ అటాక్స్‏లో ఎంతో మంది ప్రజల ప్రాణాలను కాపాడి వీరమరణం పొందిన మేజర్ సందీప్ ఉన్ని కృష్ణన్ జీవిత కథ ఆధారంగా ఈ సినిమాను చిత్రీకరిస్తున్నారు. ఈ సినిమాలో బాలీవుడ్ బ్యుటీ సైఈ మంజ్రేకర్, శోభితా దూళిపాళ్ళ నటిస్తున్నారు. ప్రముఖ జీఎంబీ ఎంటర్‏టైన్మెంట్, ఏప్లస్ఎస్ మూవీస్, సోనీ పిక్చర్స్ పతాకాలపై ఈ సినిమాను చిత్రీకరిస్తున్నారు.

డిసెంబర్ 17న హీరో అడవి శేట్ పుట్టిన రోజు కావడంతో ఆ రోజు ఈ మూవీ ఫస్ట్ లుక్ విడుదల చేయబోతున్నట్లుగా ప్రకటించింది చిత్రయూనిట్. ఇటీవల విడుదలైన లుక్ టెస్ట్‏కు భారీగానే స్పందన వచ్చింది. కాగా డిసెంబర్ 17 ఉదయం 10 గంటలకు ఈ సినిమా ఫస్ట్ లుక్‏ను విడుదల చేయబోతున్నట్లుగా చిత్రయూనిట్ ఓ పోస్టర్‏ను విడుదల చేసింది.