Rajamouli: మరోసారి ఆ హీరోయిన్‌కే మొగ్గు చూపుతోన్న జక్కన్న.. మహేష్‌ సినిమాలో క్యూట్‌ గర్ల్‌..
Rajamouli: దర్శక ధీరుడు రాజమౌళి దర్శకత్వంలో మహేష్‌ బాబు హీరోగా సినిమా తెరకెక్కనున్న విషయం తెలిసిందే. యాక్షన్‌ అడ్వెంచర్‌గా ఈ చిత్రాన్ని తెరకెక్కిస్తున్నట్లు వార్తలు వచ్చాయి. అయితే దీనిపై ఇంకా ఎలాంటి అధికారిక ప్రకటన మాత్రం రాలేదు...
Rajamouli: దర్శక ధీరుడు రాజమౌళి దర్శకత్వంలో మహేష్‌ బాబు హీరోగా సినిమా తెరకెక్కనున్న విషయం తెలిసిందే. యాక్షన్‌ అడ్వెంచర్‌గా ఈ చిత్రాన్ని తెరకెక్కిస్తున్నట్లు వార్తలు వచ్చాయి. అయితే దీనిపై ఇంకా ఎలాంటి అధికారిక ప్రకటన మాత్రం రాలేదు. ఇదిలా ఉంటే రాజమౌళి అత్యంత ప్రతిష్టాత్మకంగా తెరకెక్కిస్తున్న ఈ సినిమాపై భారీ అంచనాలు ఉన్నాయి. ట్రిపులార్‌ చిత్రంతో మరోసారి తెలుగు సినిమా స్థాయిని ప్రపంచానికి చాటిన జక్కన్న.. మహేష్‌తో మరో వండర్‌కు ప్రిపేర్‌ అవుతున్నారు. మహేష్‌ బాబు ప్రస్తుతం త్రివిక్రమ్‌ దర్శకత్వంలో ఓ సినిమాలో నటిస్తున్న విషయం తెలిసిందే.
ఈ సినిమా పూర్తికాగానే రాజమౌళి చిత్ర షూటింగ్‌లో పాల్గొననున్నాడు. ఇదిలా ఉంటే ఈ సినిమాలో హీరోయిన్‌గా బాలీవుడ్ బ్యూటీ అలియా భట్‌ను తీసుకోనున్నట్లు తెలుస్తోంది. ట్రిపులార్‌ సినిమాలో సీత పాత్రలో నటించిన అలియాను జక్కన్న మరోసారి రిపీట్‌ చేసే ఆలోచనలో ఉన్నట్లు సమాచారం. ప్రముఖ ఫిల్మ్‌ క్రిటిక్‌ ఉమేర్‌ సంధు చేసిన ఈ ట్వీట్‌లో ఈ విషయాన్ని ప్రస్తావించడంతో ప్రస్తుతం ఈ వార్త వైరల్‌గా మారింది. ఇదిలా ఉంటే రాజమౌళి తండ్రి విజయేంద్ర ప్రసాద్‌ గతంలో ఇచ్చిన ఓ ఇంటర్వ్యూలో ట్రిపులార్‌ సినిమాలో అలియా పాత్ర నిడివి తక్కువగా ఉండడం తనను నిరాశపరిచిందని తెలిపారు. ఈ నేపథ్యంలోనే తాజాగా మహేష్‌ సినిమాలో అలియాను తీసుకుంటున్నారన్న చర్చ తెరపైకి వచ్చింది. మరి ఈ వార్తలో ఎంత వరకు నిజం ఉందో తెలియాలంటే అధికారిక ప్రకటన వచ్చే వరకు వేచి చూడాల్సిందే.
మరిన్ని సినిమా వార్తల కోసం క్లిక్ చేయండి..