Lover Suicide: పెళ్లిప్పుడే వద్దన్న ప్రేయసి.. ఆవేశంతో నాలుగో అంతస్తు నుంచి దూకి ప్రేమికుడు ఆత్మహత్య
ఒకరినొకరు మనసుపడ్డారు. ఇష్టంగా కలిసి తిరిగారు. తీరా పెళ్లి వరకు వచ్చేసరికి ప్రేయసి వాయిదా వేసింది. దీంతో ప్రియుడు క్షణికావేశంలో బిల్డింగ్పై నుంచి దూకి బలవన్మరణానికి పాల్పడ్డాడు.
Updated on: Jun 22, 2021 | 7:58 AM
Hyderabad Young Man Ends Life: ఒకరినొకరు మనసుపడ్డారు. ఇష్టంగా కలిసి తిరిగారు. తీరా పెళ్లి వరకు వచ్చేసరికి ప్రేయసి వాయిదా వేసింది. దీంతో ప్రియుడు క్షణికావేశంలో బిల్డింగ్పై నుంచి దూకి బలవన్మరణానికి పాల్పడ్డాడు. ఈ ఘటన హైదరాబాద్ మహానగర శివారులోని బాలానగర్లో చేసుకుంది. ఈ ఘటనకు సంబంధించి పోలీసులు కేసు నమోదు చేసుకుని దర్యాప్తు చేపట్టారు.
పోలీసులు తెలిపిన వివరాల ప్రకారం.. మూసాపేట రెయిన్బోవిస్టాస్లో నివాసముంటున్న కె.శుభమ్ (27) అమెజాన్లో ఉద్యోగిగా పనిచేస్తున్నాడు. మూడేళ్లుగా బాలానగర్ శోభనకాలనీ రోడ్డు నంబర్-1లో ఉంటున్న యువతిని ప్రేమిస్తున్నాడు. ఇద్దరూ ఒకరినొకరు ఇష్టపడటంతో కుటుంబసభ్యులు కూడా పెళ్లికి అంగీకరించారు. అయితే, పెళ్లికి శుభమ్ తొందరపెడుతండటంతో ముందు తన అక్కకు పెళ్లి కావాల్సి ఉందని సదరు యువతి వాయిదా వేస్తూ వస్తోంది.
ఇదే క్రమంలో ఆదివారం రాత్రి 11 గంటల సమయంలో శుభమ్ మరోసారి ఆమె ఇంటికెళ్లి పెళ్లి గురించి మాట్లాడాడు. అక్క పెళ్లి కాకుండా తాను పెళ్లి చేసుకోనని తేల్చి చెప్పడంతో ఆవేశంలో భవనం నాలుగో అంతస్తుకు చేరుకుని అక్కడి నుంచి దూకి ఆత్మహత్య చేసుకున్నాడు. మృతుడి తండ్రి కిషన్ ఫిర్యాదు మేరకు పోలీసులు సోమవారం కేసు నమోదు చేసుకుని దర్యాప్తు చేపట్టారు. మృతదేహన్ని ఉస్మానియా ఆసుపత్రికి తరలించారు పోలీసులు.
Read Also…
