Accident: దారుణం.. బిడ్జిపై నుంచి ప‌డ్డ కారు.. బీజేపీ ఎమ్మెల్యే కుమారుడు స‌హా 7గురు వైద్య విద్యార్థుల మృతి.
Wardha Accident: మ‌హారాష్ట్రాలోని వార్ధా ప‌ట్ట‌ణంలో సోమ‌వారం అర్థ‌రాత్రి దారుణ సంఘ‌ట‌న చోటు చేసుకుంది. డియోలీ నుంచి వార్ధాకు వెళుతోన్న స‌మ‌యంలో ఎక్స్‌యూవీ కారు సెల్సురా స‌మీపంలో అదుపు త‌ప్పి బ్రిడ్జిపై నుంచి కింద పడింది. సుమారు 40 అడుగుల ఎత్తు..
Wardha Accident: మ‌హారాష్ట్రాలోని వార్ధా ప‌ట్ట‌ణంలో సోమ‌వారం అర్థ‌రాత్రి దారుణ సంఘ‌ట‌న చోటు చేసుకుంది. డియోలీ నుంచి వార్ధాకు వెళుతోన్న స‌మ‌యంలో ఎక్స్‌యూవీ కారు సెల్సురా స‌మీపంలో అదుపు త‌ప్పి బ్రిడ్జిపై నుంచి కింద పడింది. సుమారు 40 అడుగుల ఎత్తు నుంచి కారు ప‌డిపోవ‌డంతో కారులో ప్ర‌యాణిస్తున్న 7గురు అక్క‌డిక్క‌డే మ‌ర‌ణించారు. కారులో ఉన్న వారంతా వైద్య విద్యార్థులుగా నిర్ధారించారు. మ‌ర‌ణించిన వారంతా 25 నుంచి 35 ఏళ్లులోపు వారే. ఇదిలా ఉంటే ఈ ఏడుగురిలో భండారు జిల్లాల‌కు చెందిన తిరోడా ఎమ్మెల్లే విజ‌య్ ర‌హంగ్‌డేల్ కుమారుడు కూడా ఉన్నారు.
అర్థ‌రాత్రి జ‌రిగిన ఈ ప్ర‌మాదం గురించి తెలిసిన వెంట‌నే పోలీసులు సంఘ‌ట‌న స్థ‌లాన్ని చేరుకొని స‌హాయ‌క చ‌ర్య‌లు ప్రారంభించారు. మృతి చెందిన ఏడుగురిలో ఒక‌రు బీజేపీ ఎమ్మెల్యే కుమారుడు కాగా, మిగ‌తా వారి వివ‌రాలు తెలియాల్సి ఉంది. ఇటీవ‌ల ప‌రీక్ష‌లు ముగియ‌డంతో విద్యార్థులంతా వార్ధాకు వెళుతున్నార‌ని ప్రాథ‌మిక విచార‌ణ‌లో తేలింది.
ఎంతో బంగారు భ‌విష్య‌త్తు ఉన్న ఏడుగురు వైద్య విద్యార్థులు మ‌ర‌ణించ‌డంతో ఈ వార్త అందరినీ దిగ్భ్రాంతికి గురి చేసింది. ఇదిలా ఉంటే మ‌హారాష్ట్రాలో గ‌డిచిన 48 గంటల్లో వార్దా సంఘ‌ట‌న‌తో స‌హా మొత్తం మూడు ప్ర‌మాదాలు చోటు చేసుకున్నాయి. ఈ ప్ర‌మాదాల్లో మొత్తం 15 మంది మృతి చెందారు.
Human Body: మానవ శరీర నిర్మాణంలో కొన్ని ముఖ్యాంశాలు.. ఆసక్తికర విషయాలు..!
Smoking: మీరు ధూమపానం మానేసిన తర్వాత మీలో ఎలాంటి మార్పులు వస్తాయి..?