నోబెల్ బహుమతి కోసం యువతి హల్చల్..నదిలో దూకేస్తానంటూ హంగామా
తన నోబెల్ బహుమతి తెచ్చివాలని డిమాండ్ చేస్తూ.. ఓ మహిళ హల్చల్ చేసింది. ఏకంగా హౌరాబ్రిడ్జ్ ఎక్కి నదిలో దూకేస్తానంటూ నానా హంగామా చేసింది. ఆ
పశ్చిమబెంగాల్లో ఓ విచిత్ర సంఘటన చోటుచేసుకుంది. రాత్రి వేళ ఓ మహిళ హల్చల్ చేసింది. ఏకంగా హౌరాబ్రిడ్జ్ ఎక్కి నదిలో దూకేస్తానంటూ నానా హంగామా చేసింది. ఆదివారం రాత్రి జరిగిన ఈ ఘటనతో స్థానికులతో పాటు పోలీసులకు ఆ మహిల చుక్కలు చూపించింది. ఇంతకీ సదరు మహిళ ఎందుకు అలా చేసిందని ఆరా తీసిన పోలీసులు అవాక్కయారు.. “నా నోబెల్ బహుమతి నాకు తిరిగి తెచ్చి ఇవ్వండి… లేదంటే దూకేస్తానంటూ మహిళ చేసిన రచ్చకు పోలీసులే ఖంగుతిన్నారు.
“ఏ నోబెల్ బహుమతీ” అని అడిగితే… “ఇప్పుడు ఆర్ధికవేత్త అమర్త్యసేన్ (ఇండియా నుంచి అధికారిక నోబెల్ బహుమతి గ్రహీత)కి ఇచ్చింది నాదేనని, దానిని నా దగ్గర దొంగిలించి ఆయనకు ఇచ్చారు. నా చిన్నప్పుడు దాన్ని ఎవరో దొంగిలించారు.” అంది. ఇంతలో ఫైర్ సిబ్బంది వచ్చారు. పోలీసులు వాళ్లకు అసలు విషయం చెప్పారు. అది విన్న వాళ్లు కూడా షాక్తిన్నారు. ఆమె మరిన్ని డిమాండ్లు మొదలుపెట్టింది. ఏవేవో కావాలని అడగసాగింది. ఎట్టకేలకు ఆమె మానసిక స్థితి సరిగాలేదని తెలుసుకున్న పోలీసులు ఆమెను మాటల్లో పెట్టి కిందకు దింపారు. దీంతో అక్కడున్నవారంతా ఊపిరి పీల్చుకున్నారు.