ప్రపంచ నిబంధనల ప్రకారమే ‘కోవాక్సీన్’.. ఐసీఎంఆర్

ప్రపంచ నిబంధనల ప్రకారమే వ్యాక్సీన్ అభివృధ్ది ప్రక్రియ ప్రారంభమైందని ఇండియన్ మెడికల్ రీసెర్చ్ కౌన్సిల్ ప్రకటించింది. భారత ప్రజల సేఫ్టీ, వారి ప్రయోజనాలే అత్యంత ముఖ్యమని ఓ ప్రకటనలో పేర్కొంది. భారత్ బయో టెక్ తో కలిసి పూణే లోని వైరాలజీ ఇన్స్ టి ట్యూట్ చేబట్టిన కోవ్యాక్సీన్ తయారీ, క్లినికల్ ట్రయల్స్ సకాలంలో.. అంటే ఆగస్టు 14 లోగా పూర్తి చేయాలని కోరామని ఈ సంస్థ వెల్లడించింది. ప్రపంచంలోని పలు దేశాలు కోవిడ్-19 చికిత్స లో ఉపయోగపడే  సమర్థమైన వ్యాక్సీన్ కోసం ఎదురు చూస్తున్నాయని, ఇవి క్లినికల్ ట్రయల్స్ లో ఉన్నాయని ఈ సంస్థ పేర్కొంది. ఏమైనా దేశీయ వ్యాక్సీన్ మనకు చాలా అవసరమని, ఇది ఎంత త్వరగా పూర్తి అవుతుందా అని యావత్ దేశం ఎదురుచూస్తోందని ఈ సంస్థ ప్రతినిధి వెల్లడించారు. ఈ వ్యాక్సీన్ తొలి,  రెండో దశ క్లినికల్ ట్రయల్స్ కి డ్రగ్స్ కంట్రోలర్ జనరల్ ఆఫ్ ఇండియా అనుమతించిన విషయాన్నీ ఆయన గుర్తు చేశారు.