Breaking News
  • కర్నూలు: ప్రమాదంలో శ్రీశైలం డ్యామ్‌. పగుళ్లు వచ్చి డ్యామ్‌ ప్రమాదంలో ఉందని రాజేంద్రసింగ్‌ హెచ్చరిక. పగుళ్లతో వాటర్‌ లీకేజీలు ఎక్కువగా ఉన్నాయన్న రాజేంద్రసింగ్‌. గంగాజల్‌ సాక్షరత యాత్రలో భాగంగా శ్రీశైలం డ్యామ్‌ పరిశీలన. ప్రధాన డ్యామ్‌ ఎదురుగా భారీ గొయ్యి ఏర్పడింది. డ్యామ్‌ గేట్లు ఎత్తిన ప్రతీసారి మరింత పెద్దదవుతుంది. ఆ గొయ్యి విస్తరిస్తూ డ్యామ్‌ పునాదుల వరకు వెళ్తోంది. చాలా కాలం నుంచి లీకేజీలు వస్తున్నా పట్టించుకోలేదు. డ్యామ్‌ నిర్వహణ సరిగా లేకపోవడంతో ప్రమాదంగా మారింది.
  • శ్రీశైలం డ్యామ్‌కు పగుళ్లు వాస్తవమేనంటున్న అధికారులు. పరిస్థితిపై ప్రభుత్వానికి వివరించాం. డ్యామ్‌ కొట్టుకుపోయేంత ముప్పులేదంటున్న అధికారులు.
  • కాకినాడ: వైద్యం వికటించి యువకుడి పరిస్థితి విషమం. కడుపు నొప్పి రావడంతో ఫౌండేషన్‌ ఆస్పత్రిలో చేరిన యువకుడు. మూడు రకాల ఇంజెక్షన్‌లు చేసిన ఆస్పత్రి వైద్యులు. యువకుడి పరిస్థితి విషమించడంతో ట్రస్ట్‌ ఆస్పత్రికి తరలింపు.
  • కొలిక్కి రాని మహారాష్ట్ర పంచాయితీ. ముంబైలో నేడు వేర్వేరుగా కాంగ్రెస్‌, ఎన్సీపీ నేతల సమావేశం.
  • కొమురంభీంఆసిఫాబాద్‌: కాగజ్‌నగర్‌లో దారుణం. తల్లి సంధ్య గొంతు కోసిన కొడుకు. తల్లి పరిస్థితి విషమం, మంచిర్యాల ఆస్పత్రికి తరలింపు. అంగన్‌వాడీ టీచర్‌గా పనిచేస్తున్న సంధ్య.
  • ప్రకాశం: అద్దంకిలో రెండు ఇళ్లలో చోరీ. 7 సవర్ల బంగారం, రూ.10వేల నగదు, 2 సెల్‌ఫోన్లు అపహరణ.
  • నేడు జనగామ, మహబూబాద్‌ జిల్లాల్లో మంత్రి ఎర్రబెల్లి పర్యటన. పలు అభివృద్ధి కార్యక్రమాలలో పాల్గొననున్న ఎర్రబెల్లి దయాకర్‌రావు.
  • చిత్తూరు: రామకుప్పం మండలం ననియాలతండాలో దారుణం. వేటగాళ్లు అమర్చిన విద్యుత్‌ తీగలు తగిలి రవి అనే వ్యక్తి మృతి. రవి మృతదేహాన్ని రహస్యంగా కాల్చివేసిన వేటగాళ్లు. రవిని హత్య చేశారంటున్న ననియాల గ్రామస్తులు. పలువురిని అదుపులోకి తీసుకొని విచారిస్తున్న పోలీసులు. ననియాల, ననియాలతండా గ్రామాలలో ఉద్రిక్తత.

తెలంగాణలో కాంగ్రెస్ ‘ధమాకా’ మొదలు

Telangana Congress, తెలంగాణలో కాంగ్రెస్ ‘ధమాకా’ మొదలు

గురువారం విడుదలైన తెలంగాణ పరిషత్ ఎన్నికల ఫలితాల్లో టీఆర్ఎస్ అఖండ విజయాన్ని సొంతం చేసుకోగా.. రెండో స్థానంలో కాంగ్రెస్ నిలిచింది. కాగా కొన్నిచోట్ల టీఆర్ఎస్ అభ్యర్థులకు గట్టి పోటీ ఇచ్చారు కాంగ్రెస్ అభ్యర్థులు. మొత్తం 538 జెడ్పిటీసీ స్థానాలకు గానూ 75 సీట్లు.. 5,816 ఎంపీటీసీ స్థానాలకు గానూ 1,377 సీట్లను కాంగ్రెస్ కైవసం చేసుకుంది. ఈ నేపథ్యంలో తెలంగాణ కాంగ్రెస్ పార్టీ కోశాధికారి గూడూరు నారాయణ రెడ్డి మాట్లాడుతూ.. తెలంగాణలో తమ పార్టీ పుంజుకుంటోందని, ఈ విషయాన్ని పరిషత్ ఎన్నికల ఫలితాలే చెబుతున్నాయని ఆయన అన్నారు.

ఈ ఎన్నికల్లో అన్ని స్థానాలను టీఆర్ఎస్ క్లీన్‌స్వీప్ చేయలేదని.. కొన్ని చోట్ల కాంగ్రెస్ ట్టి పోటీ ఇచ్చిందని నారాయణ రెడ్డి తెలిపారు. పలుచోట్ల స్పష్టమైన మెజారిటీతో తమ పార్టీ గెలిచిందని.. కానీ కొన్ని చోట్ల స్వల్ప తేడాతో ఓడిపోయిందని పేర్కొన్నారు. ఇక ఈ ఎన్నికల్లోనూ టీఆర్ఎస్ ఎలక్షన్‌ కోడ్‌ను ఉల్లంఘించిందని తెలిపిన ఆయన.. దీనిపై ఎలక్షన్ కమిషన్‌కు ఫిర్యాదు చేసినా పట్టించుకోలేదని ఆరోపించారు. ‘‘ఇటీవల వచ్చిన లోక్‌సభ ఫలితాల్లో మూడు స్థానాల్లో గెలిచిన కాంగ్రెస్.. మరో మూడు స్థానాల్లో స్వల్ప తేడాతో ఓడిపోయింది. ఇప్పటికే రాష్ట్రవ్యాప్తంగా పలు ప్రాంతాల్లో కాంగ్రెస్ బలంగా ఎంది. మరికొన్ని ప్రదేశాల్లో కూడా పుంజుకుంటోంది’’ అని నారాయణరెడ్డి అన్నారు. అయితే ఒకప్పుడు తెలంగాణలో బలంగా ఉన్న కాంగ్రెస్ రాష్ట్ర విభజన తరువాత డీలా పడుతూ వస్తోంది. ఇక గతేడాది చివర్లో జరిగిన అసెంబ్లీ ఎన్నికల్లో కాంగ్రెస్ ఘోర పరాజయం పాలైన విషయం తెలిసిందే.