Breaking News
  • ఢిల్లీ: భారత్ లో విజృంభిస్తున్న కరోనా వైరస్. 2 లక్షల 36 వేల మార్క్ ని దాటినా కరోనా పాజిటివ్ కేస్ లు దేశవ్యాప్తంగా కరోనా పాజిటివ్ కేసులు : 236657. దేశ వ్యాప్తంగా యాక్టీవ్ కేసులు: 115942. కరోనా నుంచి డిశ్చార్జ్ అయిన బాధితులు: 114073. దేశం మొత్తం కరోనా తో మృతుల సంఖ్య : 6642. కేంద్ర ఆరోగ్య మంత్రిత్వ శాఖ.
  • అమరావతి.. సచివాలయంలో కరోనా కలకలం ఈ రోజు మరో ఐదు పాజిటివ్ కేసులు నమోదు మొత్తం 9 కి చేరిన పాజిటివ్ కేసులు అసెంబ్లీలో ఒక పాజిటివ్ కేసు నమోదు.
  • నిమ్స్ లోని 5 విభాగాలు 7 నుండి9 వ తేదీ వరకు ముత పడనున్నాయ్. పాజిటివ్ వచ్చిన వారూ పనిచేసిన విభాగాలను శానిటేషన్ చేయనున్న హాస్పిటల్ సిబ్బంది ghmc. ముత పడనున్న 5 విభాగాలు: మెడ్ గ్యాస్ట్రోఎంటరాలజీ, సర్జికల్ గ్యాస్ట్రోఎంటరాలజీ, యూరాలజీ, కార్డియాలజీ & సర్జికల్ ఆంకాలజీ.
  • గ్రేటర్ మినహాయించి రాష్ట్రవ్యాప్తంగా పరీక్షలు నిర్వహించడం గందరగోళంగా మారుతుందని భావించిన ప్రభుత్వం... గ్రేటర్ లోనే సగంమంది 10th విద్యార్థులు. సప్లమెంటరీ రాసిన విద్యార్థులకు ఇంటర్ అడ్మిషన్లు దొరకడం కష్టమనే అభిప్రాయానికి వచ్చిన సర్కార్ . అందరికి ఒకేసారి పరీక్షలు నిర్వహించాలనే యోచలనలో ప్రభుత్వం.
  • కర్నూలు: భూమా అఖిలప్రియ ఏ వి సుబ్బారెడ్డి మధ్య విభేదాలు వారి వ్యక్తిగతం. తెలుగుదేశం పార్టీకి ఎలాంటి సంబంధం లేదు... టిడిపి జిల్లా అధ్యక్షుడు సోమిశెట్టి వెంకటేశ్వర్లు.
  • విశాఖ: దివ్య కేసులో కొనసాగుతున్న పోలీస్ దర్యాప్తు. రావులపాలెం నుంచి దివ్య పిన్ని కృష్ణవేణిని పిలిపించిన పోళిసులు. దివ్య కేసులో మరికొంతమంది పాత్రపై ఆరా తీస్తున్న పోలీసులు. ఇప్పటికే వసంతతో పాటు నలుగురిని అదుపులోకి తీసుకుని విచారిస్తున్న పోలీసులు. దివ్య ఘటనపై విచారణ జరుపుతున్నాం. తొలుత అనుమానాస్పద మృతికేసు నమోదు చేశాం.. పలుకోణాల్లో విచారిస్తున్నాం: డీసీపీ రంగారెడ్డి.

కేసీఆర్ బడ్జెట్ ప్రసంగం.. మోదీపై పరోక్ష ధ్వజం

Telangana Cm KCR Target Narendra Modi?, కేసీఆర్ బడ్జెట్ ప్రసంగం.. మోదీపై పరోక్ష ధ్వజం

తెలంగాణ అసెంబ్లీ బడ్జెట్ సమావేశాల్లో సీఎం కేసీఆర్ ప్రసంగం చూస్తే ప్రధాని నరేంద్రమోడీని టార్గెట్ చేశారా అనిపిస్తోంది. బడ్జెట్‌ను ఉద్దేశించి ప్రసంగించిన కేసీఆర్ కేంద్రంలోని బీజేపీని పరోక్షంగా విమర్శించారు. పూర్తిస్థాయి బడ్జెట్‌ను ప్రవేశపెట్టిన తెలంగాణ సీఎం కేసీఆర్.. వృద్ధి రేటు తగ్గిన తీరు, ఆర్థిక మాంద్యం గురించి ఎక్కువగా ప్రస్తావించడం ద్వారా కేంద్రంలోని మోదీ ప్రభుత్వాన్ని విమర్శించారని పలువురు నేతలు అభిప్రాయపడుతున్నారు.

వాహనాల మార్కెట్ దెబ్బతిన్నదని, దాంతో కొన్ని ఆటో‌మొబైల్ కంపెనీలు ఉత్పత్తిని నిలుపుదల చేశాయని సీఎం కేసీఆర్ తెలిపారు. దీనివల్ల వాహనాల రిజిస్ట్రేషన్ ఆదాయం తగ్గిందని, ఆయా రంగాలకు సంబంధించిన వేలాది మంది ఉపాధిని కోల్పోయారని కేసీఆర్ ఆరోపించారు. అంతేకాదు బొగ్గు గనుల్లో ఉత్పత్తి తగ్గించవలసి వచ్చిందని అన్నారు. అయితే ఇదంతా జాతీయ స్థాయిలో జరిగిన పరిణామాలని, అదే ప్రభావం తెలంగాణ పై కూడా పడిందని కేసీఆర్ చెప్పారు. కేంద్ర ఆదాయంలో వృద్ధి రేటు తగ్గిందని అన్నారు. ఇక తెలంగాణలో చూస్తే 5 శాతం మాత్రమే ఆదాయం పెరిగిందని చెప్పారు. గత ఆర్థిక సంవత్సరం పన్నులలో వృద్ధి 13 శాతం ఉంటే, ఈ ఏడాది 6 శాతం మాత్రమే ఉందని అన్నారు.

గతంలో కూడా పెద్ద నోట్లను రద్దు చేస్తూ ప్రధాని మోదీ తీసుకున్న నిర్ణయాన్ని కేసీఆర్ తప్పుబట్టారు. పెద్ద నోట్ల రద్దు వల్ల ఉద్యోగులు, సామాన్య ప్రజలు, రైతులు ఇప్పటికీ ఇబ్బందులు పడుతున్నారని ఆయన అభిప్రాయం వ్యక్తం చేశారు. కేంద్రం తీసుకున్న ఈ నిర్ణయం వల్ల రాష్ట్ర ప్రభుత్వంతోపాటు, ప్రజలందరికీ ఇబ్బందులు తప్పడం లేదని ఆయన ఆరోపించారు. ముందు జరగబోయే పర్యవసానాలను అంచనా వేయకుండా కేంద్రం తొందరపాటు నిర్ణయాలు తీసుకుంటుందని అన్నారు. అంతేకాదు తాజాగా ట్రాఫిక్ నిబంధనల విషయంలో కేంద్రం తీసుకున్న కొత్త చట్టంపైనా కేసీఆర్ స్పందించారు. వాహనాల రిజిస్ట్రేషన్‌లో మైనస్ వృద్ధి రేటు ఉందని బడ్జెట్ ప్రసంగంలో ఆయన పేర్కొన్నారు. అంతేకాదు దీనివల్ల రానున్న రోజుల్లో వెహికిల్ కొనుగోళ్లు పూర్తిగా తగ్గుతాయని చెప్పారు. అయితే వాస్తవ పరిస్థితులకు అనుగుణంగానే బడ్జెట్ రూపకల్పన చేశామని కేసీఆర్ చెప్పారు.

ఇతర రాష్ట్రాలలో పోలిస్తే తెలంగాణ అభివృద్ధిలో కాస్త మెరుగ్గా ఉందని అన్నారు. అయితే కేంద్రం నిర్ణయాల కారణంగానే ఆర్థిక మాంద్యం లాంటి పరిస్థితులు తలెత్తాయని సీఎం కేసీఆర్ డైరెక్టుగా చెప్పకపోయినప్పటికీ.. పదే పదే ఆర్థిక మందగమనం ఉందని ఆయన ప్రస్తావించడం బీజేపీని టార్గెట్ చేయడమే అవుతుందని పలువురు నేతలు అభిప్రాయపడుతున్నారు. మరోవైపు ఆర్థిక నిపుణుల నుంచి కూడా కేంద్రానికి విమర్శలు వస్తున్నాయి. మోదీ ప్రభుత్వం తీసుకున్న నిర్ణయాల కారణంగానే.. రాష్ట్రంలో ఆర్థిక మాంద్యం దాపురించిందని వారు అభిప్రాయపడుతున్నారు.

Related Tags