TSPSC Group 1: టీఎస్పీఎస్సీ గ్రూప్ 1 ఆన్లైన్ దరఖాస్తుల గడువు పెంపు.. ఎప్పటివరకంటే
తెలంగాణ గ్రూప్ 1 అభ్యర్ధులకు గుడ్న్యూస్.. గ్రూప్ 1 ఆన్లైన్ దరఖాస్తుల గడువును పొడిగిస్తూ తెలంగాణ పబ్లిక్ సర్వీస్ కమిషన్ (టీఎస్పీఎస్సీ) గురువారం (మార్చి 14) ప్రకటన వెలువరించింది. తొలుత ఇచ్చిన ప్రకటన మేరకు మార్చి 14వ తేదీ సాయంత్రం 5 గంటలతో దరఖాస్తు గడువు ముగిసింది. మరో రెండు రోజులపాటు దరఖాస్తు గడువును పొడిగిస్తూ అవకాశం కల్పించింది. ఇప్పటి వరకు దరఖాస్తు చేసుకోని..
హైదరాబాద్, మార్చి 14: తెలంగాణ గ్రూప్ 1 అభ్యర్ధులకు గుడ్న్యూస్.. గ్రూప్ 1 ఆన్లైన్ దరఖాస్తుల గడువును పొడిగిస్తూ తెలంగాణ పబ్లిక్ సర్వీస్ కమిషన్ (టీఎస్పీఎస్సీ) గురువారం (మార్చి 14) ప్రకటన వెలువరించింది. తొలుత ఇచ్చిన ప్రకటన మేరకు మార్చి 14వ తేదీ సాయంత్రం 5 గంటలతో దరఖాస్తు గడువు ముగిసింది. మరో రెండు రోజులపాటు దరఖాస్తు గడువును పొడిగిస్తూ అవకాశం కల్పించింది. ఇప్పటి వరకు దరఖాస్తు చేసుకోని అభ్యర్ధులు మార్చి 16వ తేదీ వరకు దరఖాస్తు చేసుకోవడానికి అవకాశం కల్పించింది.
రాష్ట్రవ్యాప్తంగా ఖాళీగా ఉన్న 563 గ్రూప్-1 పోస్టుల భర్తీకి గత నెల 19న టీఎస్పీఎస్సీ నోటిఫికేషన్ విడుదల చేసిన సంగతి తెలిసిందే. ఈ మేరకు ఫిబ్రవరి 23వ తేదీ నుంచి ఆన్లైన్లో దరఖాస్తులను స్వీకరిస్తోంది. దరఖాస్తులకు గడువు గురువారం సాయంత్రం ముగియడంతో మరో రెండు రోజులు పొడిగించింది. గ్రూప్-1 ప్రిలిమ్స్ పరీక్షను జూన్ 9వ తేదీన, మెయిన్స్ అక్టోబర్ 21నుంచి నిర్వహించనున్నట్టు ఇప్పటికే కమిషన్ ప్రకటించిన సంగతి తెలిసిందే.
మరిన్ని విద్యా, ఉద్యోగ కథనాల కోసం క్లిక్ చేయండి.