TS Police jobs 2022: తెలంగాణ పోలీస్‌ దరఖాస్తుల్లో ఫొటో, సంతకం అప్‌లోడ్‌ చేయడానికి మరో అవకాశం.. జూన్ 9లోపు..
తెలంగాణలో మొత్తం ఆరు నోటిఫికేషన్లలో 17,281 ఎస్ఐ, కానిస్టేబుల్‌ పోస్టులకు తెలంగాణ స్టేట్‌ లెవల్‌ పోలీస్‌ రిక్రూట్‌మెంట్‌ బోర్డు (TSLPRB) ప్రకటనలు విడుదలైన విషయం తెలిసిందే. దరఖాస్తు ప్రక్రియ సమయంలో..
TS Police Recruitment 2022: తెలంగాణలో మొత్తం ఆరు నోటిఫికేషన్లలో 17,281 ఎస్ఐ, కానిస్టేబుల్‌ పోస్టులకు తెలంగాణ స్టేట్‌ లెవల్‌ పోలీస్‌ రిక్రూట్‌మెంట్‌ బోర్డు (TSLPRB) ప్రకటనలు విడుదలైన విషయం తెలిసిందే. దరఖాస్తు ప్రక్రియ మే 2 నుంచి ప్రారంభమవగా మే 26 (గురువారం) రాత్రి 10 గంటలకు ముగిసింది. కాగా తెలంగాణ రాష్ట్ర వ్యాప్తంగా ఈ పోస్టులకు మొత్తం 7,33,559 మంది అభ్యర్థులు దరఖాస్తు చేసుకున్నారు. ఇక నియామక పరీక్షలకు తేదీలు కూడా ఖరారయ్యాయి. మూడంచెల నియామక ప్రక్రియలో భాగంగా.. తొలుత ప్రిలిమినరీ రాతపరీక్షకు సంబంధించి ఆగస్టు 7న ఎస్సై అభ్యర్థులకు, ఆగస్టు 21న కానిస్టేబుల్‌ అభ్యర్థులకు పరీక్షలు నిర్వహించనున్నారు.
ఐతే దరఖాస్తు సమయంలో కొందరు అభ్యర్ధుల ఫొటో, సంతకం సరిగా నమోదు చేయనివారికి పోలీస్‌ రిక్రూట్‌మెంట్‌ బోర్డు ఎడిట్‌ ఆప్షన్‌ ఇస్తున్నట్లు తెలిపింది. ఫొటో, సంతకం సరిగా అప్‌లోడ్‌ చేయనివారు జూన్ 9లోగా సక్రమంగా అప్‌లోడ్‌ చేయవల్సిందిగా సూచించింది. ఈ మేరకు ఇప్పటికే అభ్యర్థుల ఫోన్ నెంబర్లకు, ఈమెయిళ్లకు మెసేజ్‌లను కూడా పంపించింది.
మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.