TG LAWCET 2026: అభ్యర్థులకు బిగ్ అలర్ట్.. లాసెట్ షెడ్యూల్ విడుదల.. పూర్తి వివరాలు ఇవే!
TG LAWCET and TG PGLCET 2026 Notification Released: తెలంగాణలో విద్యార్థులు ఎప్పుడెప్పుడా అని ఎదురు చూస్తున్న న్యాయశాస్త్ర కోర్సులైన 3/5 ఏళ్ల LLB, 2 ఏళ్ల LLM ప్రవేశాల కోసం TG లాసెట్, TG పీజీ లాసెట్ 2026-27 నోటిఫికేషన్ విడుదలయింది. ఫిబ్రవరి 10 నుండి దరఖాస్తులు ప్రారంభం కానున్నట్టు ఉస్మానియా వర్సిటీ పేర్కొంది. ఇక మే 12 హాట్ టికెట్స్, మే 18న పరీక్షలు జరగున్నట్టు నోటిఫికేషన్లో స్పష్టం చేసింది.
Updated on: Feb 07, 2026 | 5:05 PM
తెలంగాణలో న్యాయశాస్త్ర కోర్సుల్లో ప్రవేశాలకు ఎదురుచూస్తున్న విద్యార్థులకు కీలక అప్డేట్ వచ్చేసింది. 2026-27 విద్యా సంవత్సరానికి గాను టీజీ లాసెట్ (TG LAWCET), టీజీ పీజీ లాసెట్ (TG PGLCET) నోటిఫికేషన్ను ఉస్మానియా విశ్వవిద్యాలయం విడుదల చేసింది. తెలంగాణ ఉన్నత విద్యామండలి ఆదేశాల మేరకు ఈ ఏడాది కూడా ఉస్మానియా యూనివర్సిటీయే ఈ పరీక్షలను నిర్వహిస్తోంది. 3 ఏళ్ల ఎల్.ఎల్.బి, 5 ఏళ్ల ఎల్.ఎల్.బి కోర్సులతో పాటు రెండేళ్ల ఎల్.ఎల్.ఎం కోర్సుల్లో ప్రవేశాలకు ఈ నోటిఫికేషన్ వర్తిస్తుంది.
ముఖ్యమైన తేదీలు ఇవే:
తెలంగాణ లాసెట్కు సంబంధించి ఫిబ్రవరి 8, 2026న నోటిఫికేషన్ విడుదల కానున్నట్టు ఉస్మానియా యూనివర్సిటీ అధికారులు పేర్కొన్నారు. ఫిబ్రవరి 10 తేదీ నుంచి ఈ పరీక్ష ప్రేవేశానికి ఆన్లైన్ దరఖాస్తుల ప్రారంభం కానున్నాయని.. అలస్య రుసుము లేకుండా ఏప్రిల్ 1వ తేదీ వరకు దరఖాస్తు చేసుకోవచ్చని పేర్కొంది. అలాగే మే 3 నుంచి 8 వ తేదీ వరకు దరఖాస్తులో ఏవైనా సవరణలు ఉంటే చేసుకోవచ్చని పేర్కొంది. అలాగే మే 18న పరీక్ష జరగనుందని.. మే 12 నుంచే హాట్ టికెట్లు అందుబాటులో ఉండనున్నట్టు అధికారులు పేర్కొన్నారు.
రిజిస్ట్రేషన్ ఫీజు వివరాలు:
- TG LAWCET (3-YDC అండ్ 5-YDC): సాధారణ అభ్యర్థులకు రూ. 900, ఎస్సీ/ఎస్టీ అండ్ పీహెచ్ అభ్యర్థులకు రూ. 600.
- TG PGLCET (LL.M): సాధారణ అభ్యర్థులకు రూ. 1100, ఎస్సీ/ఎస్టీ అండ్ పీహెచ్ అభ్యర్థులకు రూ. 900.
అయితే మే 18న జరిగే ఈ పరీక్షలు మొత్తం మూడు సెషన్లలో నిర్వహించనున్నట్టు అధికారులు పేర్కొన్నారు. 3 ఇయర్స్ కోర్సు కోసం మొదటి సెషన్ ఉదయం 09:30 నుండి 11:00 వరకు ఉంటుందని.. రెండవ సెషన్ మధ్యాహ్నం 12:30 నుండి 02:00 వరకు ఉంటుందని స్పష్టం చేశారు. 5 ఇయర్స్ కోర్సు అండ్ LL.M అభ్యర్థులకు సాయంత్రం 04:00 నుండి 05:30 వరకు పరీక్ష నిర్వహించబడుతుందని అధికారులు పేర్కొన్నారు. పరీక్ష ముగిసిన తర్వాత మే 23న ప్రాథమిక కీ విడుదల చేస్తారు. జూన్ 5న తుది ఫలితాలను ప్రకటించే అవకాశం ఉందన్నారు. అర్హత గల అభ్యర్థులు మరింత సమాచారం కోసం అధికారిక వెబ్సైట్ https://lawcet.tsche.ac.in సందర్శించవచ్చని తెలిపారు
మరిన్ని కెరీర్ అండ్ ఉద్యోగ వార్తల కోసం ఇక్కడ క్లిక్ చేయండి.
