TG EAPCET 2025 Notification: తెలంగాణ ఈఏపీసెట్ నోటిఫికేషన్ నేడే విడుదల.. పరీక్ష తేదీలు ఇవే!
ఇంజినీరింగ్, అగ్రికల్చర్, ఫార్మసీ కోర్సుల్లో ప్రవేశాలకు నిర్వహించే తెలంగాణ ఈఏపీసెట్ 2025 పరీక్షల నోటిఫికేషన్ ఈ రోజు మధ్యాహ్నం విడుదల కానుంది. ఈ మేరకు ఉన్నత విద్యా మండలి ప్రకటన జారీ చేసింది. నోటిఫికేషన్ జారీ తర్వాత వచ్చే వారం నుంచి ఆన్లైన్ దరఖాస్తు ప్రక్రియ ప్రారంభమవుతుంది. జేఈఈ మెయిన్ తుది విడత పరీక్షల అనతరం ఈసారి ఈఏపీసెట్ పరీక్షలు నిర్వహించనున్నారు..
హైదరాబాద్, ఫిబ్రవరి 20: తెలంగాణ రాష్ట్ర వ్యాప్తంగా ఉన్న ఇంజనీరింగ్ కాలేజీల్లో 2025-26 విద్యా సంవత్సరానికి సంబంధించి ఇంజినీరింగ్, అగ్రికల్చర్, ఫార్మసీ కోర్సుల్లో ప్రవేశాలకు నిర్వహించే తెలంగాణ ఈఏపీసెట్ 2025 పరీక్షల నోటిఫికేషన్ ఈ రోజు (ఫిబ్రవరి 20) విడుదల కానుంది. గురువారం మధ్యాహ్నం 2.30 గంటలకు వెబ్సైట్లో ఈఏపీసెట్ నోటిఫికేషన్ను అందుబాటులోకి తీసుకురానుంది. ఈ మేరకు ఉన్నత విద్యా మండలి ప్రకటన జారీ చేసింది. నోటిఫికేషన్ జారీ తర్వాత ఫిబ్రవరి 25 నుంచి ఏప్రిల్ 4 వరకు ఆన్లైన్ అప్లికేషన్లు స్వీకరించనున్నట్లు పేర్కొంది.
ఏప్రిల్ 29, 30 తేదీల్లో అగ్రికల్చర్, ఫార్మసీ పరీక్షలు, మే 2,3,4,5 తేదీల్లో ఇంజినీరింగ్ పరీక్షలు జరగనున్నాయి. ఇక ఈ సారి కూడా ఈఏపీసెట్ 2025 నిర్వహణ బాధ్యతలను జేఎన్టీయూకే అప్పగించారు. ఈ మేరకు జేఎన్టీయూ ప్రొఫెసర్ డీన్ కుమార్ను ఈఏపీసెట్ 2025 పరీక్ష కన్వీనర్గా ఉన్నత విద్యామండలి నియమించింది. ఇప్పటికే ఈఏపీసెట్కు సంబంధించిన మొత్తం కసరత్తు పూర్తైంది. ఈ ఏడాది పరీక్షలకు తెలంగాణతోపాటు ఆంధ్రప్రదేశ్లోని కర్నూల్, విజయవాడ జిల్లాల్లో పరీక్ష కేంద్రాలను ఏర్పాటు చేయనున్నట్లు ఉన్నత విద్యామండలి తన ప్రటకనలో పేర్కొంది.
ఎస్ఎస్సీ CHSL తుది ఫలితాలు వచ్చేశాయ్.. మొత్తం ఎంపిక లిస్ట్ ఇదే
స్టాఫ్ సెలక్షన్ కమిషన్ (ఎస్ఎస్సీ) సీహెచ్ఎస్ఎల్ తుది ఫలితాలు తాజాగా విడుదలయ్యాయి. ఈ నియామక నోటిఫికేషన్ కింద కేంద్ర ప్రభుత్వ శాఖలు, విభాగాల్లో 3,954 ఖాళీల భర్తీ చేయనుంది. ఈ మేరకు షార్ట్లిస్ట్ చేసిన కంబైన్డ్ హయ్యర్ సెకండరీ (10+2) లెవెల్ ఎగ్జామినేషన్-2024 అభ్యర్థుల తుది ఫలితాలను ఎస్ఎస్సీ వెబ్సైట్లో అందుబాటులోకి తీసుకువచ్చింది. గత ఏడాది దేశవ్యాప్తంగా ప్రధాన కేంద్రాల్లో టైర్-1 పరీక్షలు జులైలో నిర్వహించగా సెప్టెంబర్ 6న ఫలితాలు విడుదలయ్యాయి. ఇక టైర్- 2 పరీక్షలు నవంబర్లో జరిగిన సంగతి తెలిసిందే.
ఎస్ఎస్సీ సీహెచ్ఎస్ఎల్ తుది ఫలితాల కోసం ఇక్కడ క్లిక్ చేయండి.
మరిన్ని విద్యా, ఉద్యోగ వార్తల కోసం క్లిక్ చేయండి.