CUET UG Exam 2022: విద్యార్ధులకు అలర్ట్! సీయూఈటీ యూజీ 2022 పరీక్ష తేదీలు విడుదల..

Cuet 2022

CUET UG 2022 Exam Date: కామన్‌ యూనివర్సిటీస్‌ ఎంట్రన్స్ టెస్ట్‌ 2022 (యూజీ) పరీక్ష తేదీని ఎన్టీఏ విడుదల చేసింది. 2022-23 విద్యాసంవత్సరానికి సంబంధించి దేశవ్యాప్తంగా 86 సెంట్రల్ యూనివర్సిటీల్లో అండర్‌ గ్రాడ్యుయేట్‌ కోర్సుల్లో ప్రవేశాలకు జులై 15 నుంచి ఆగస్టు 10 వరకు సీయూఈటీ యూజీ 2022 పరీక్ష జరగనుంది. ఈ మేరకు జులై 15, 16, 19, 20, ఆగస్టు 4, 5, 6, 7, 8, 10 తేదీల్లో దేశ వ్యాప్తంగా ఉన్న దాదాపు 554 పరీక్ష కేంద్రాల్లో, ఆన్‌లైన్‌ విధానంలో ఈ పరీక్ష జరుగుతుంది. కాగా యూజీసీ ఈ ఏడాది కొత్తగా ప్రవేశ పెట్టిన సీయూఈటీ యూజీ 2022 ప్రవేశ పరీక్షకు 9,50,804 మంది విద్యార్ధులు దరఖాస్తు చేసుకున్నారు.

దాదాపు 13 భారతీయ భాషల్లో పరీక్ష నిర్వహింనున్నారు. మొత్తం 86 యూనివర్సిటీల్లో ఒక అభ్యర్ధి ఏవైన 5 యూనివర్సిటీలకు దరఖాస్తు చేసుకునే వెసులుబాటు కల్పించింది. ఆయా యూనివర్సిటీల్లో దాదాపు 54,000ల సబ్జెక్టుల్లో నచ్చిన కోర్సును ఎంపిక చేసుకుని చదవచ్చని ఇప్పటికే ఎన్టీఏ స్పష్టం చేసింది. ఈ పరీక్షకు సంబంధించిన అడ్మిట్‌ కార్డులు త్వరలోనే విడుదలకానున్నాయి. అలాగే పరీక్షలకు సంబంధించి ఎటువంటి సందేహాలు, సమస్యలు తలెత్తినా cuetug@nta.ac.inకు ఈ మెయిల్‌ పంపవచ్చు. లేదా 011-40759000 / 011-6922 7700 హెల్ప్‌లైన్‌ నంబర్లకు ఫోన్‌ చేసి సందేహ నివృతి చేసుకోవచ్చు. ఇతర పూర్తి సమాచారం కోసం అధికారిక వెబ్‌సైట్‌ cuet.samarth.ac.in లేదా nta.ac.inలను చెక్ చేసుకోవచ్చు.

మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.