AP Govt Jobs 2023: ఏపీ స్టేట్ ఫైనాన్షియల్ కార్పొరేషన్‌లో ఉద్యోగాలు.. ఎంపికైతే రూ.1,74,790ల జీతం పొందే అవకాశం

Andhra Pradesh

ఆంధ్రప్రదేశ్‌ రాష్ట్ర ప్రభుత్వానికి చెందిన విజయవాడలోని ఏపీ స్టేట్ ఫైనాన్షియల్ కార్పొరేషన్.. 14 మేనేజర్ (ఫైనాన్స్), డిప్యూటీ మేనేజర్ (ఫైనాన్స్), అసిస్టెంట్ మేనేజర్ (ఫైనాన్స్/ లా) పోస్టుల భర్తీకి దరఖాస్తులు కోరుతూ నోటిఫికేషన్‌ విడుదల చేసింది. ఈ పోస్టులకు దరఖాస్తు చేసుకునే అభ్యర్ధులు పోస్టును బట్టి సంబంధిత స్పెషలైజేషన్‌లో సీఏ/ సీఎంఏ లేదా బీఈ, బీటెక్‌, ఎంబీబీఎస్‌, పీజీడీఎం, డిగ్రీ/ పీజీ (లా ఇన్ బిజినెస్/ కమర్షియల్ లాస్) లేదా తత్సమాన కోర్సులో ఉత్తీర్ణత సాధించి ఉండాలి. అలాగే సంబంధిత పనిలో అనుభవం కూడా ఉండాలి. అభ్యర్ధుల వయసు ఏప్రిల్ 1, 2023వ తేదీనాటికి 21 నుంచి 34 సంవత్సరాల మధ్య ఉండాలి.

ఈ అర్హతలున్నవారు ఆన్‌లైన్‌ విధానంలో మే 15, 2023వ తేదీలోపు కింది అడ్రస్‌లో దరఖాస్తులు అందజేయాలి. దరఖాస్తు సమయంలో జనరల్/బీసీ అభ్యర్ధులకు రూ.1180, ఎస్సీ/ఎస్టీ అభ్యర్ధులు రూ.590 రిజిస్ట్రేషన్‌ ఫీజు చెల్లించవల్సి ఉంటుంది. ఆన్‌లైన్ టెస్ట్, ఇంటర్వ్యూ ఆధారంగా ఎంపిక చేస్తారు. ఎంపికైన వారికి నెలకు మేనేజర్ పోస్టులకు రూ.1,01,970 – 1,74,790; డిప్యూటీ మేనేజర్ పోస్టులకు రూ.76,730 – 1,62,780; అసిస్టెంట్ మేనేజర్ పోస్టులకు రూ.54,060 – 1,40,540 వరకు జీతంగా చెల్లిస్తారు. ఇతర సమాచారం అధికారిక నోటిఫికేషన్‌లో చెక్‌ చేసుకోవచ్చు.

నోటిఫికేషన్‌ కోసం క్లిక్ చేయండి.

పూర్తి సమాచారం కోసం క్లిక్ చేయండి.

మరిన్ని కెరీర్‌ సంబంధిత వార్తల కోసం ఇక్కడ క్లిక్‌ చేయండి.