తెలంగాణ గురుకులాల్లో ఇంటర్ ప్రవేశాలు మొదలు.. ఇలా వెంటనే అప్లై చేయండి!

Tsrjc

గురుకుల విద్యాసంస్థలు నాణ్యమైన విద్యకు ప్రసిద్ధి చెందాయి. ఈ గురుకులాల జూనియర్ కళాశాలలు రాష్ట్ర స్థాయిలో అద్భుత ఫలితాలు సాధిస్తూ విద్యార్థుల భవిష్యత్తుకు బలమైన పునాది వేస్తున్నాయి. ఇక్కడ విశాలమైన క్యాంపస్‌లు, ఆధునిక తరగతి గదులు, సౌకర్యవంతమైన వసతి, పోషకాహారం, అనుభవజ్ఞులైన అధ్యాపకులు వంటి అన్ని సదుపాయాలు అందుబాటులో ఉన్నాయి. అదనంగా, ఇంటర్ చదివే విద్యార్థులకు EAPCET, NEET వంటి పోటీ పరీక్షలకు ప్రత్యేక శిక్షణ అందిస్తూ ఉన్నత స్థాయికి చేరేలా మార్గనిర్దేశం చేస్తున్నారు. ఇంటర్ ప్రవేశాల కోసం దరఖాస్తులను ఆహ్వానిస్తోంది.

దరఖాస్తుల ముఖ్య వివరాలు

• దరఖాస్తుల ప్రారంభం: మార్చి 16
• చివరి తేదీ: ఏప్రిల్ 15
• అప్లికేషన్ ఫీజు: రూ. 200
• అధికారిక వెబ్‌సైట్: tgsrjc.cgg.gov.in
• ప్రవేశ పరీక్ష తేదీ: మే 3

2025-26 విద్యా సంవత్సరంలో పదో తరగతి పూర్తి చేసిన విద్యార్థులు ఈ ప్రవేశ పరీక్షకు అర్హులు.

ప్రవేశాలు ఎలా ఉంటాయి?

ప్రవేశ పరీక్షలో వచ్చిన మార్కులు,                                                              రిజర్వేషన్ విధానం ఆధారంగా సీట్లు కేటాయిస్తారు.

రిజర్వేషన్ శాతం ఇలా ఉంది:

• జనరల్ – 50%
• ఎస్టీ – 10%
• ఎస్సీ – 12%
• బీసీ – 15%
• క్రీడా కోటా – 3%
• దివ్యాంగులు – 3%
• ఆర్మీ – 1%
• ఈడబ్ల్యూఎస్ – ప్రత్యేకంగా 4 సీట్లు

ఉమ్మడి వరంగల్ జిల్లాలో సీట్లు

తెలంగాణలో మొత్తం 35 గురుకులాలు ఉండగా, ఉమ్మడి వరంగల్ జిల్లాలో 6 ఉన్నాయి. హసన్‌పర్తి, వంగర, నెక్కొండ, కొడకండ్ల వంటి ప్రాంతాల్లో బాలికల గురుకులాలు, వేలేరు, బండారుపల్లి ప్రాంతాల్లో బాలుర గురుకులాలు ఉన్నాయి.

• సాధారణంగా: MPC – 44, BiPC – 44 సీట్లు
• హసన్‌పర్తి ప్రత్యేకంగా: MPC – 99, MEC – 33, BiPC – 66

దరఖాస్తు విధానం

• అధికారిక వెబ్‌సైట్‌ను సందర్శించండి tgsrjc.cgg.gov.in
• Application Submission లింక్‌పై క్లిక్ చేయండి
• ఆన్‌లైన్ ద్వారా ఫీజు చెల్లించండి
• వ్యక్తిగత, విద్యా వివరాలు నమోదు చేయండి
• కోర్సు ఎంపిక చేసి ఫోటో, సంతకం అప్‌లోడ్ చేయండి
• ఫారమ్‌ను ప్రివ్యూ చూసి డౌన్‌లోడ్ చేసుకోండి

పరీక్ష విధానం

• ద్విభాషా విధానం (తెలుగు & ఇంగ్లీష్)
• మొత్తం సమయం: 2 గంటలు 30 నిమిషాలు
• మొత్తం మార్కులు: 150
• ప్రతి సబ్జెక్ట్‌కు: 50 మార్కులు
• ప్రశ్నలు: బహుళ ఎంపిక (MCQs)
• సమాధానాలు: OMR షీట్‌లో గుర్తించాలి

పరీక్ష సిలబస్ పదో తరగతి ఆధారంగా ఉంటుంది. మోడల్ ప్రశ్నపత్రాలు అధికారిక వెబ్‌సైట్‌లో అందుబాటులో ఉన్నాయి.