New Cars: కొత్త కారు కొనాలని ఆలోచిస్తున్నారా.. ఏప్రిల్‌లో విడుదలయ్యే కొత్త మోడల్స్‌ ఇవే..!
New Cars: మార్చి నెల ముగియబోతోంది శుక్రవారం నుంచి ఏప్రిల్ నెల ప్రారంభమవుతుంది. అయితే ఏప్రిల్‌లో అనేక కొత్త కార్లు విడుదల కానున్నాయి. ఇందులో మెర్సిడెస్ EQS ,
New Cars: మార్చి నెల ముగియబోతోంది శుక్రవారం నుంచి ఏప్రిల్ నెల ప్రారంభమవుతుంది. అయితే ఏప్రిల్‌లో అనేక కొత్త కార్లు విడుదల కానున్నాయి. ఇందులో మెర్సిడెస్ EQS , కొత్త టాటా నెక్సాన్ EV , మారుతి ఎర్టిగా ఫేస్‌లిఫ్ట్ వంటి కార్లు ఉన్నాయి. ఈ పరిస్థితిలో మీరు కొత్త కారు కొనాలని ప్లాన్ చేస్తుంటే ఈ కార్ల గురించి ఒక్కసారి తెలుసుకుంటే మంచిది. ఇందులో పెట్రోల్, డీజిల్, ఎలక్ట్రిక్ కార్లు కూడా ఉన్నాయి. ఇదిలా ఉంటే ఏప్రిల్ 1 నుంచి కార్ల ధరలను పెంచుతామని అన్ని కార్ల కంపెనీలు ప్రకటించాయి. స్టీల్, అల్యూమినియం తదితర ఉత్పత్తుల ధరల పెరుగుదల వల్ల కంపెనీలు ఈ నిర్ణయం తీసుకున్నాయి. మెర్సిడెస్‌తో పాటు టయోటా కిర్లోస్కర్ మోటార్, బిఎమ్‌డబ్ల్యూ ఇండియా, టాటా మోటార్స్ కూడా తమ వాహనాల ధరలను పెంచుతున్నట్లు ప్రకటించాయి. ఏప్రిల్ 1 నుంచి తమ వాహనాల ధరలను 2 నుంచి 2.5 శాతం పెంచుతున్నట్లు టాటా మోటార్స్ తెలిపింది.
1. కొత్త మారుతీ ఎర్టిగా: మారుతీ ఎర్టిగా ఏప్రిల్ నెలలో నాక్ చేయవచ్చు. ఈ MPV కారు అనేక మంచి ఫీచర్లు, స్పెసిఫికేషన్లతో రానుంది. CNG వేరియంట్ కారణంగా ఎర్టిగాకు మంచి ఆదరణ లభిస్తోంది. ప్రస్తుత వేరియంట్‌లో మాత్రం 1.5 లీటర్ ఇంజన్ ఉంది. దీనికి 6-స్పీడ్ గేర్‌బాక్స్ ఇచ్చారు.
2. కొత్త టాటా నెక్సాన్ EV: టాటా మోటార్స్ కొత్త కారును తీసుకురాబోతోంది. అది కొత్త టాటా నెక్సాన్ కావొచ్చు. మీడియా నివేదికల ప్రకారం.. ఈ ఎలక్ట్రిక్ కారు ఏప్రిల్ 6 న విడుదలయ్యే అవకాశం ఉంది. ఇందులో పెద్ద బ్యాటరీ ప్యాక్ ఇస్తున్నారు. ఇది ఒక్కసారి ఛార్జ్ చేస్తే 400 కి.మీల వరకు ప్రయాణించగలదు. అలాగే ఈ కారులో అనేక మంచి ఫీచర్లు, కొత్త బంపర్‌లను చూడవచ్చు. ఇంటీరియర్ కూడా కొత్తగా ఉంటుంది.
3. మెర్సిడెస్ EQS EV: లగ్జరీ కార్ల తయారీ సంస్థ మెర్సిడెస్ తన కొత్త ఎలక్ట్రిక్ కారు Mercedes EQS EVని ఏప్రిల్‌లో పరిచయం చేయడానికి సిద్ధంగా ఉంది. కంపెనీ ఈ కారును ఏప్రిల్ 19న విడుదల చేయనుంది.
4. కొత్త మారుతి XL 6: మారుతి XL 6ని కొత్త వేరియంట్‌లో విడుదల చేసే అవకాశం ఉంది. అయితే లాంచ్ సమాచారం కంపెనీ ప్రకటించలేదు. ఈ కారు అప్‌డేట్ చేయబడిన ఫ్రంట్ గ్రిల్, బంపర్, అనేక కొత్త ఫీచర్లతో వస్తుంది. అలాగే ఇంటీరియర్ కూడా కొత్తగా ఉంటుంది.