UPI: యూపీఐ అంటే ఏమిటి..? దీని ద్వారా లావాదేవీలు జరుపుతున్నారా..? ఈ విషయాలు తప్పకుండా తెలుసుకోండి
UPI Payment: భారత ప్రభుత్వం చేపట్టిన డిజిటల్ ఇండియా కార్యక్రమం మొదలైన తర్వాత యూపీఐ ట్రాన్సాక్షన్స్ బాగా పెరిగిపోయాయి. యూపీతో క్షణాల్లో నగదు బదిలీ చేసుకునే సౌకర్యం...
UPI Payment: భారత ప్రభుత్వం చేపట్టిన డిజిటల్ ఇండియా కార్యక్రమం మొదలైన తర్వాత యూపీఐ ట్రాన్సాక్షన్స్ బాగా పెరిగిపోయాయి. యూపీతో క్షణాల్లో నగదు బదిలీ చేసుకునే సౌకర్యం ఉండటంతో ఫోన్పే, గూగుల్పే వంటి యాప్స్కు విపరీతమైన డిమాండ్ ఏర్పడింది. యూపీ రాకతో బ్యాంకులకు వెళ్లి గంటల తర్వాత క్యూలో నిల్చునే బాధ తప్పిపోయింది. ఇంతటి సౌకర్యాన్ని అందుబాటులోకి తీసుకువచ్చిన యూపీఐ అంటే ఏమిటి.? అది ఎలా పని చేస్తుంది..? యూపీఐ అందిస్తున్న యాప్స్ ఏమిటి..? అనే విషయాలను తెలుసుకుందాం.
యూపీఐని యూనిఫైడ్ పేమెంట్ ఇంటర్ ఫేస్ అంటారు. ఇది ఆర్బీఐ నియంత్రణ సంస్థ అయిన నేషనల్ పేమెంట్ కార్పొరేషన్ ఆఫ్ ఇండియా చేత తక్షణ బదిలీ కోసం అభివృద్ధి చేయబడింది. యూపీఐ IMPS ఇన్ఫ్రాస్ట్రక్చర్పై పని చేస్తుంది. అయినప్పటికీ దీని ద్వారా ఐఎంపీఎస్ను మించి అదనపు ప్రయోజనాలు ఉన్నాయి. ఏవైనా రెండు బ్యాంక్ ఖాతాల మధ్య తక్షణ నగదు బదిలీ చేయడానికి యూపీఐ మిమ్మల్ని అనుమతిస్తుంది. ఒకే మొబైల్ అప్లికేషన్ ద్వారా వివిధ బ్యాంకు ఖాతాల మధ్య నగదు బదిలీ చేసుకునేందుకు యూపీఐ ఎంతగానో ఉపయోగపడుతుంది. ఇది ఆండ్రాయిడ్, ఐఓఎస్ రెండు ప్లాట్ ఫామ్స్లోనూ పని చేస్తుంది. అయితే దీనిని ఉపయోగించే వినియోగదారులు కొన్ని విషయాలు తప్పకుండా తెలుసుకోవాలి.
యూపీఐ అకౌంట్ క్రియేట్ చేయాలంటే తప్పనిసరిగా ఏదైన బ్యాంకు ఖాతా ఉండాల్సి ఉంటుంది. యూపీఐని కార్డు లేదా వాలెట్తో లింక్ చేయలేము. వర్చువల్ ఐడి, బ్యాంకు అకౌంట్ నెంబర్, ఐఎఫ్ఎస్సీ, ఆధార్ నెంబర్ ఈ మూడింటి ద్వారా యూపీఐ నగదు పంపించవచ్చు. లేదా తీసుకోవచ్చు. భారత్లో యూపీఐ సౌకర్యాన్ని అందిస్తున్న పది అత్యంత ప్రజాదరణ పొందిన యాప్స్ ఫోన్ పే, పేటీఎం, భీమ్, మోబిక్విక్, గూగుల్పే, ఉబెర్, పేటీఎం పేమెంట్ బ్యాంక్, ఎస్బీఐ పే, యాక్సిస్పే, బాబ్ యూపీఐ, ఐఎంపీఎస్తో పోలిస్తే యూపీఐ చాలా ప్రయోజనాలున్నాయి. ఒకే క్లిక్తో డబ్బులు చెల్లింపులు జరపడం, ఒకే యాప్తో వేగంగా నగదు బదిలీలు చేసుకోవడం ఇలా రకరకాల ప్రయోజనాలున్నాయి. ప్రస్తుతం ఒక రోజులో రూ.1 లక్ష వరకు యూపీఐతో మనీ ట్రాన్స్ఫర్ చేసే అవకాశం ఉంటుంది.
ఇవీ చదవండి: Post Office Monthly Scheme: పోస్టాఫీసులో అదిరిపోయే స్కీమ్.. ఇందులో చేరితే నెలకు రూ.5 వేల రాబడి పొందవచ్చు