దేశంలోని ఆదాయపు పన్ను చెల్లింపుదారులందరూ ఇన్ కం ట్యాక్స్ రిటర్న్స్ (ఐటీఆర్) సమర్పించడం చాలా ముఖ్యం. దేశ ప్రగతికి సంబంధించి వారి కనీస బాధ్యత కూడా. సకాలంలో ఐటీఆర్ సమర్పిస్తే అనేక ప్రయోజనాలు కలుగుతాయి. ఆదాయపు పన్ను శాఖ సూచించిన గడువులోపులో దీనిని అందజేయాలి. 2023 – 24 ఆర్థిక సంవత్సరానికి వివిధ వర్గాల పన్ను చెల్లింపుదారులు ఐటీఆర్ ఫైలింగ్ చేయాల్సిన గడువు తేదీలు గుర్తుంచుకోవడం ముఖ్యం. ఆ వివరాలు ఇప్పుడు తెలుసుకుందాం..
ఆదాయపు పన్ను రకాన్ని బట్టి ఐటీఆర్ ఫైలింగ్ చేసే గడువు తేదీలు వివిధ రకాలుగా ఉంటాయి. ఇవి ప్రతి ఏటా ఒకే రకంగా ఉంటాయి. ఒక్కో సమయంలో ఈ తేదీలను ప్రభుత్వం పొడిగిస్తుంది. గడువు లోపు ఐటీఆర్ సమర్పించకపోతే పెనాల్టీ విధిస్తారు. సకాలంలో అందజేయడం వల్ల జరిమానా నుంచి తప్పించుకోవడంతో పాటు అనేక లాభాలు కలుగుతాయి. వివిధ పన్ను ప్రయోజనాలు, వాపసులను మీకు అందుతాయి. కాబట్టి క్యాలెండర్లో ఐటీఆర్ తేదీలను గుర్తించి, సకాలంలో అందజేయండి.
దేశ ప్రగతికి ఆదాయపు పన్నుచాలా దోహదపడుతుంది. ప్రభుత్వానికి ఇదే ప్రధాన ఆదాయ వనరు. దీని ద్వారా వచ్చిన సొమ్మును ఉద్యోగులు జీతాలు, సంక్షేమ పథకాలు, ప్రభుత్వ ప్రాజెక్టులు, రక్షణ రంగం తదితర వాటికి వెచ్చిస్తారు. ఆదాయపు పన్ను చెల్లింపుదారులందరూ తప్పనిసరిగా ఇన్ కం ట్యాక్స్ రిటర్న్స్ (ఐటీఆర్) దాఖలు చేయాలి. ఐటీఆర్ అనేది ఆ ఆర్థిక సంవత్సరంలో మీరు పన్ను చెల్లించే ఆదాయాన్ని తెలియజేస్తుంది. దీనిలో పన్ను చెల్లింపుదారులు తమ ఆదాయం, క్లెయిమ్ చేసిన తగ్గింపులు, మినహాయింపులు, చెల్లించిన పన్నులను తెలియజేస్తారు. దాదాపు తొమ్మిది రకాల ఐటీఆర్ ఫాంలు పన్ను చెల్లింపుదారులకు అందుబాటులో ఉన్నాయి.
మరిన్ని బిజినెస్ వార్తల కోసం ఇక్కడ క్లిక్ చేయండి..