SBI: పలు ఎస్బీఐ శాఖలు మూతపడనున్నాయా..? బ్యాంకు ఏం చెప్పిందంటే..
SB Bank Branches: బ్యాంకు ఉద్యోగులు ప్రతిపాదించిన ఈ సమ్మె అమలయితే దేశవ్యాప్తంగా ఎస్బిఐ కార్యకలాపాలు వరుసగా 5 రోజుల పాటు స్తంభించిపోవచ్చు లేదా ప్రభావితం కావచ్చు. సెలవులు, సమ్మెల ప్రత్యేక కలయికే దీనికి కారణం. నెలలోని నాలుగవ శనివారం కావడంతో..
SB Bank Branches: దేశంలోని అతిపెద్ద ప్రభుత్వ రంగ బ్యాంకు అయిన స్టేట్ బ్యాంక్ ఆఫ్ ఇండియా (ఎస్బిఐ), తన లక్షలాది మంది వినియోగదారులకు అత్యంత ముఖ్యమైన, అత్యవసరమైన సలహాను జారీ చేసింది. వచ్చే వారం ప్రారంభంలో బ్యాంకు ఉద్యోగులు పిలుపునిచ్చిన దేశవ్యాప్త సమ్మె (ఎస్బిఐ సిబ్బంది సమ్మె) దృష్ట్యా, బ్యాంకింగ్ లావాదేవీలను పూర్తి చేయడానికి ప్రత్యామ్నాయ మార్గాలను ఉపయోగించుకోవాలని ఎస్బిఐ వినియోగదారులకు సూచించింది. ఈ సమ్మె కారణంగా దేశవ్యాప్తంగా ఉన్న వివిధ ఎస్బిఐ శాఖలు మూసివేయవచ్చని లేదా వాటి కార్యకలాపాలకు అంతరాయం కలగవచ్చని, ఇటువంటి పరిస్థితిలో వినియోగదారుల సౌలభ్యం కోసం, లావాదేవీలు సజావుగా సాగేందుకు బ్యాంకు ఈ కొత్త అప్డేట్ను జారీ చేసింది. ముందుగా మీరు ఎస్బీఐ అధికారిక X హ్యాండిల్లో అధికారిక ప్రకటన చేసింది.
పీటీఐ వార్తా సంస్థ నివేదిక ప్రకారం.. ఎస్బిఐ తన 52 కోట్లకు పైగా వినియోగదారులకు ఒక ప్రత్యేక విజ్ఞప్తిని జారీ చేసింది. ఉద్యోగుల సంఘం సమ్మెకు దిగుతామని హెచ్చరించిన నేపథ్యంలో డబ్బు లావాదేవీలు, ఇతర ఆర్థిక లావాదేవీల కోసం డిజిటల్, ఆన్లైన్ మాధ్యమాలను గరిష్టంగా ఉపయోగించుకోవాలని బ్యాంకు వినియోగదారులను కోరింది.
ఇది కూడా చదవండి: ATM Alert: మీ డెబిట్ కార్డ్ ATMలో ఇరుక్కుపోయిందా? వెంటనే ఇలా చేయండి..!
నగదు ఉపసంహరణలు, ఇతర ప్రాథమిక సేవల కోసం ఏటీఎంలను ఉపయోగించుకోవాలని ఎస్బిఐ తన లక్షలాది ఖాతాదారులను కోరింది. తమ సమీపంలోని కస్టమర్ సర్వీస్ సెంటర్ల (సీఎస్పి) నుండి సహాయం పొందాలని కూడా వారికి సూచించింది. లావాదేవీల కోసం తన అధికారిక డిజిటల్ ప్లాట్ఫామ్ అయిన యోనో యాప్, యూపీఐ వంటి ఆన్లైన్ బ్యాంకింగ్ సేవలకు ప్రాధాన్యత ఇవ్వాలని బ్యాంకు సలహా ఇచ్చింది.
దేశంలోని మొత్తం బ్యాంకింగ్ కార్యకలాపాలలో దాదాపు పావు వంతు (ఐదవ వంతు) వాటాను కలిగి ఉన్న ఎస్బిఐ, తన 23,200కు పైగా శాఖలలో నిత్యావసర సేవలను అందించడానికి అన్ని విధాలా ప్రయత్నిస్తున్నట్లు హామీ ఇచ్చింది. దీనివల్ల కలిగిన అసౌకర్యాని తాము మనస్ఫూర్తిగా చింతిస్తున్నామని ఆ బ్యాంకు తన పోస్ట్లో తెలిపింది.
వరుసగా 5 రోజుల పాటు బ్యాంకింగ్ సేవలకు అంతరాయం
బ్యాంకు ఉద్యోగులు ప్రతిపాదించిన ఈ సమ్మె అమలయితే దేశవ్యాప్తంగా ఎస్బిఐ కార్యకలాపాలు వరుసగా 5 రోజుల పాటు స్తంభించిపోవచ్చు లేదా ప్రభావితం కావచ్చు. సెలవులు, సమ్మెల ప్రత్యేక కలయికే దీనికి కారణం. నెలలోని నాలుగవ శనివారం కావడంతో మే 23వ తేదీన బ్యాంకులు మూసివేయవచ్చు. మే 24వ తేదీ ఆదివారం వారపు సెలవు దినం. ఉద్యోగ సంఘం చేపట్టే రెండు రోజుల సమ్మెలో మే 25వ తేదీ మొదటి రోజు. మే 26వ తేదీ సమ్మెకు రెండవ, చివరి రోజు. సమ్మె ముగిసిన మరుసటి రోజైన మే 27వ తేదీ అంటే బుధవారం, ఈద్-ఉల్-అజ్హా (బక్రీద్) పండుగ సందర్భంగా అనేక రాష్ట్రాల్లో ప్రభుత్వ సెలవు దినంగా ప్రకటించారు.
— State Bank of India (@TheOfficialSBI) May 22, 2026
ఇది కూడా చదవండి: Aadhaar: లక్షలాది ఆధార్ వినియోగదారులకు పెద్ద ఉపశమనం.. గడువు పొడిగింపు..!
ఇది కూడా చదవండి: Vande Bharat: ఆ వందే భారత్లో కీలక మార్పులు.. ఇప్పుడు 8 కోచ్లకు బదులుగా 20 కోచ్లు
మరిన్ని బిజినెస్ వార్తల కోసం ఇక్కడ క్లిక్ చేయండి